3-мавзу. Мустақил Ўзбекистон Республикасининг ташкил топиши ва унинг тарихий аҳамияти

Ўзбекистон Давлат мустақиллигининг, истиқлол ва эркинлигининг эълон қилиниши, унинг бутун тарихий тараққиёти натижаларидан келиб чиқадиган объектив ва қонуний ходисасидир. Республика халқи ва рахбариятининг донишмандлиги, саботли ва қатъиятлилиги, узоқни кўра билиши натижасида унинг давлат мустақиллигига эришуви

ТИНЧ,

ДЕМОКРАТИК,

ПАРЛАМЕНТ ЙЎЛИ БИЛАН,

ИЖТИМОИЙ ЛАРЗАЛАРСИЗ,

ҚУРБОНЛАР ВА ВАЙРОНАГАРЧИЛИКСИЗ АМАЛГА ОШДИ

1991 йил 29 декабр куни муқобиллик асосида Ўзбекистон Президенти сайлови хам бўлиб ўтди. Президентликка номзод Ислом Абдуғаниевич Каримов учун 8.514136 киши ёки овоз беришда қатнашганларнинг 86% овоз берди. Марказий сайлов комиссияси сайлов якунларини кўриб чиқиб, И.А.Каримовни 1991 йил 29 декабрдан Ўзбекистон Республикасининг Президенти лавозимига сайланган, деб хисоблашга қарор қилди. Ўзбекистон Олий Кенгашининг 1992 йил январда бўлган навбатдан ташқари IX сессиясида Президент Ислом Каримов қасамёд қилди: “Ўзбекистон Республикаси Президенти лавозимини бажаришга киришар эканман, республикамиз халқларига садоқат билан хизмат қилишга, фуқороларнинг хуқуқ ва эркинликларига кафолат беришга, Ўзбекситон Республикаси Конституциясига қатъий риоя этишга, зиммамга юкланган юксак вазифаларни виждонан бажаришга қасамёд қиламан”.

Ўзбекистон Республикасининг Давлат байроғи ўн иккинчи чақириқ Ўзбекистон Республикаси Олий Кенгашининг VII сессиясида 1991 йил 18 ноябрда тасдиқланди. Давлат байроғи, унинг рамзи мамлакатимиз худудида илгари мавжуд бўлган ғоят қудратли салтанатлар байроғига хос бўлган энг яхши анъаналарни давом эттирган холда республиканинг табиатига хос бўлган хусусиятларни, халқимизнинг миллий ва маданий сохаларидаги ўзлигини хам акс эттиради.

Ўзбекистон Республикасининг Давлат байроғи ўн иккинчи чақириқ Ўзбекистон Республикаси Олий Кенгашининг VII сессиясида 1991 йил 18 ноябрда тасдиқланди. Давлат байроғи, унинг рамзи мамлакатимиз худудида илгари мавжуд бўлган ғоят қудратли салтанатлар байроғига хос бўлган энг яхши анъаналарни давом эттирган холда республиканинг табиатига хос бўлган хусусиятларни, халқимизнинг миллий ва маданий сохаларидаги ўзлигини хам акс эттиради.