3-Mavzu: lider etiketi

3-Mavzu: LIDER ETIKETI

Liderning mashg‘ulotni qanday olib borishi, ya’ni nng liderlik mahoratidan tashqari uning o‘zi ham ishtirokchilarga juda katta ta’sir ko‘rsatadiki, bunda asosan ikki narsaga e’tibor qaratiladi:

1. 
   Liderning kiyinishi (imidji).
   
2. 
   Liderning hatti-harakatlari, qiliqlari, odatlari.
   

Kiyim tanlash muammosi

Xuddiki teatr garderobdan boshlangani kabi treningni boshlanishi ham liderning tashqi ko‘rinishi, kiyinishi bilan bog‘liqdir. Buni qanday tushunish mumkin?

Liderning kiyinishi guruhda u haqdagi dastlabki tasavvurning ijobiy yoki salbiy bo‘lishiga, guruh uni qabul qilishi yoki qabul qilmasligiga olib kelishi mumkinki, bu holat trening jarayoniga ham o‘z ta’sirini albatta ko‘rsatishi tabiiy.

Imidj – bu atrofdagilar sizni qanday qabul qilishi, qanday ko‘ra olishidir. Shu o‘rinda bir misol keltirib o‘tamizki, liderning kiyinishi qanchalik muhim ekanligini bu misoldan keyin osongina tushunib olish mumkin.

Faraz qiling qanaqadir firma yoki davlat muassasiga ishga taklifni o‘qigan ikki kishi o‘sha joyga bordi. Ularning biri – kostyum-shimlarda, oq ko‘ylak, galstuk, qo‘lida portfel bilan kelsa, ikkinchisi egnida futbolka, oyog‘ida krassovka, orqasiga ryukzak osob olgan bo‘lsa, albatta birinchi odam kishida haqiqiy mutaxassis taasurotini beradi, vaholanki, u tajriba yuzasidan, ma’lumot yuzasidan ikkinchi odamdan ko‘ra pastroq bo‘lishi mumkin. Lekin ularning kiyinishi, tashqi ko‘rinishi, imidji kishida qarama-qarshi tasavvurlarni uyg‘otadi. Shundan kelib chiqqan holda liderning kiyinishi ham o‘ziga xos va vaziyatga mos bo‘lishi talab etiladi.

Avvalo trening qanaqa guruh uchun mo‘ljallanganligini e’tiborga olish zarur. Lekin imkon darajasida treningga ishchi formada kelish lozim. Bu kiyim avvalo mintalitet xususiyatlariga mos kelishi, shuningdek liderning o‘zi uchun ham qulay, harakatlanishga mos bo‘lishi lozim.

Liderning bezaklari haqida ham to‘xtalish lozimki, lider uchun haddan ortiq bezaklar bilan bezanish maqsadga muvofiq emas.