3-mavzu: korxona faoliyatini rejalashtirish va bashorat qilish

Qisqacha xulosalar
Har bir korxona bozor munosabatlari sharoitida o‘z maqsadi va unga erishish yo‘llarini aniqlamasdan, ya’ni o‘z faoliyatini rejalashtirmasdan yuqori natijaga erisha olmaydi. Har bir korxona o‘z faoliyatini to‘g‘ri tashkil etish uchun joriy rejalar bilan bir qatorda istiqbolga mo‘ljallangan rejalar hamda u yoki bu masalani hal qilish uchun dasturlar ishlab chiqadi. Korxona ichki rejalashtirish tizimida biznes-rejalarning o‘rni juda katta. Biznes-rejani tuzishda korxonaning hamma mutaxassislari, investorlar va manfaatdor shaxs va subyektlar qatnashishi kerak. Korxonalar moliyaviy faoliyatini boshqarish mexanizmining asosini moliyaviy rejalashtirish tashkil etadi. Moliyaviy rejalashtirish o‘zida moliyaviy reja tizimini ishlab chiqish jarayonini va korxonalar rivojlanishida zaruriy moliyaviy resurslar bilan ta’minlash bo‘yicha me’yoriy reja ko‘rsatkichlarini va joriy moliya yili hamda istiqboldagi moliyaviy faoliyatining samarali rivojlanishini aks ettiradi.


Nazorat va muhokama uchun savollar.
1. Rejalashtirishning mohiyati nimadan iborat?
2. Korxonalar faoliyatida rejalashtirishning ahamiyati nimadan iborat?
3. Rejalashtirishning qanday asosiy tamoyillari mavjud?
4. Rejalashtirishda qanday usullardan foydalaniladi?
5. Korxonalarda rejalashtirishning qanday shakllari qo’llaniladi?
6. Korxonalarning yillik ishlab chiqarish biznes-rejasi mohiyati nimadan iborat?
7. Korxonalar faoliyatini bashoratlashning mohiyati nimadan iborat?