3-мавзу. Ишлаб чиқариш инфратузилмасида алоқа ва коммуникация

4.Ўзбекистонда алоқа ва телекоммуникация соҳасидаги давлат бошқаруви тизими.
Ўзбекистонда алоқа ва телекоммуникация соҳасидаги давлат бошқаруви Ўзбекистон Республикаси Вазирлар Маҳкамаси томонидан, шунингдек у ваколат берган идора томонидан амалга оширилади.
Ўзбекистон Алоқа, ахборотлаштириш ва телекоммуникация технологиялари давлат қўмитаси мамлакатда алоқа ва телекоммуникация соҳасини бошқариш бўйича ваколатли давлат органи ҳисобланди.
Ўзбекистон Алоқа, ахборотлаштириш ва телекоммуникация технологиялари давлат қўмитаси Ўзбекистон Республикаси Президентининг «Ўзбекистон Республикаси Алоқа, ахборотлаштириш ва телекоммуникация технологиялари давлат қўмитасини ташкил этиш тўғрисида» 2012 йил 16 октябрдаги ПФ-4475-сон Фармонига ҳамда Ўзбекистон Республикаси Президентининг «Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси фаолиятини ташкил этиш тўғрисида» 2012 йил 23 октябрдаги ПҚ-1836-сон қарорига мувофиқ ташкил этилган.
Ўзбекистонда Алоқа, ахборотлаштириш ва телекоммуникация технологиялари давлат қўмитасининг асосий вазифалари:

• 
  алоқа, ахборотлаштириш ва телекоммуникация технологиялари соҳасида ягона давлат сиёсати амалга ошириш;
  
• 
  алоқа, ахборотлаштириш ва телекоммуникация технологиялари соҳасида норматив-ҳуқуқий базани такомиллаштириш;
  
• 
  Алоқа ва телекоммуникациялар соҳасидаги фаолиятни лицензиялашни амалга ошириш;
  
• 
  тадбиркорлик субъектлари ва аҳолига интерактив давлат хизматлари кўрсатишнинг электрон шаклларини жорий этиш;
  
• 
  Интернет тармоғи миллий сегментини янада шакллантиришни таъминлаш;
  
• 
  аҳолига ахборот-кутубхона хизмати кўрсатишни ташкил қилиш ва ривожлантириш;
  
• 
  почта алоқаси, телекоммуникациялар, ахборот-коммуникация технологиялари, телерадиоэшиттириш воситалари ва тармоқларини, радиомониторинг, дастурий маҳсулотларнинг техник воситаларини ривожлантириш учун инвестиция сиёсатини ишлаб чиқиш ва амалга ошириш.