3-мавзу. Ишлаб чиқариш инфратузилмасида алоқа ва коммуникация

Ахборот инфратузилмаси – мамлакат ахборот макони ҳамда алоқа воситаларини фаолият кўрсатиши ва ривожланишини таъминлайдиган ташкилий тузилмалар тизими. Унга ахборот марказлари, тизимостилар, маълумотлар ва билимлар базаси, алоқа тизимлари, ахборотни тўплаш, сақлаш, қайта ишлаш ва узатишни таъминловчи аппарат-дастурий воситалар ва технологиялар киради.
Жаҳон амалиётида алоқа ва коммуникация инфратузилмасига қуйидагилар киради:

• 
  Почта хизмати
  
• 
  Телефон тармоғи
  
• 
  Мобил алоқа тармоғи
  
• 
  Телевидение ва радио узатиш станциялари
  
• 
  Кабель телевидениеси тармоғи
  
• 
  Интернет
  
• 
  Йўлдошли алоқа
  
• 
  Сувости алоқа тармоғи
  
• 
  Пневматик почта тармоғи
  
• 
  Телеграф алоқа
  

2.Ўзбекистонда алоқа ва телекоммуникация инфратузилмаси.
Ўзбекистон Республикасида алоқа соҳасидаги муносабатларнинг объектлари - почта жўнатмаларини қабул қилиб олиш, ташиш ва кўрсатилган жойга етказиб бериш воситаларининг йиғиндиси бўлган почта алоқаси тармоқларидан ҳамда бир ёки бир нечта узатиш турларини: телефон, телеграф, факсимил узатишларни, ҳужжатли хабарларнинг бошқа турлари маълумотларини узатишни, телевидение ва радиоэшиттириш дастурларини трансляция қилишни таъминловчи телекоммуникациялар воситалари йиғиндиси бўлган телекоммуникациялар тармоқларидан иборат.
Ўзбекистон Республикасида алоқа соҳасидаги муносабатларнинг субъетклари - Ўзбекистон Республикасининг юридик ва жисмоний шахслари, ажнабий юридик шахслар ва фуқаролар
Ўзбекистон Республикасида алоқа ва коммуникациянинг асосий турлари:

• 
  Почта алоқаси
  
• 
  Телефон алоқаси
  
• 
  Уяли телефон алоқаси
  
• 
  Телевидение ва радио
  
• 
  Интернет
  

Ўзбекистон Республикасида почта алоқаси – почта жўнатмаларини, шунингдек пул маблағларининг почта ўтказмаларини жўнатиш (қабул қилиш, ишлов бериш, ташиш, ўтказиш)ни ва етказиб бериш (топшириш)ни таъминловчи техник ва транспорт воситаларининг ягона ишлаб чиқариш-технология мажмуини ўзида мужассамлаштирган алоқа тури.