3-мавзу. Инновацион лойиҳаларни баҳолаш режа

3.2. Инновацион лойиҳаларни критериялар (мезонлар) рўйхати бўйича баҳолаш
Инновацион лойиҳаларни мезонлар рўйхати бўйича баҳолаш қуйидагилардан иборат бўлади. Ҳар бир қабул қилинган мезонга мос равишда лойиҳа кўриб чиқилади ва лойиҳага баҳо берилади. Бу лойиҳанинг афзаллиги ва камчилигини кўришга ёрдам беради ва қабул қилинган мезонларнинг бирортаси эътибордан четда қолмайди. Агар лойиҳани дастлабки баҳолаш қийин бўлса ҳам инновацион лойиҳаларга баҳо бериш учун танланган мезон, корхонанинг ўзига хос хусусиятларини тармоқ ва унинг танланган стратегик йўналишини ҳисобга олган ҳолда ҳар хил бўлиши мумкин.
Шунинг учун мезонлар рўйхатини аниқлашда корхона мақсади, стратегияси, вазифаси, йўналиши ва истиқболдаги режасидан келиб чиққан ҳолда танлаш мақсадга мувофиқдир. Лойиҳа бир мақсад, стратегия ва вазифа нуқтаи назаридан юқори баҳоланса, бошқа мақсад, стратегия ва вазифа нуқтаи назаридан ўхшаш баҳоланиши мумкин.


А. Корхона мақсади: стратегия, сиёсат ва қадрият мезони

1. 
   Лойиҳанинг корхона мақсади ва истиқболли режасига мос тушиши.
   
2. 
   Корхона стратегиясида ўзгаришни оқлаш (агар бу лойиҳани қабул қилиш лозим бўлса).
   
3. 
   Корхонанинг хавф-хатарга бўлган муносабатининг лойиҳага мос келиши.
   
4. 
   Корхонанинг янгиликка бўлган муносабатини лойиҳага мос келиши.
   
5. 
   Вақт нуқтаи назаридан (узоқ ёки қисқа муддатли) лойиҳанинг корхона талабига мос келиши.
   
6. 
   Лойиҳанинг корхона салоҳиятига мос келиши.
   
7. 
   Корхонанинг барқарор ривожини таъминлаши.
   
8. 
   Корхонанинг диверсификацияси ва (асосий тармоққа алоқаси бўлмаган тармоқлар сони ва уларнинг фаолият кўрсатишини умумий ишлаб чиқариш ҳажмдаги улуши) унинг барқарорлигига таъсири.
   
9. 
   Корхонанинг ҳозирги ҳолати ва фаолиятига олинадиган фойданинг кечиктирилиши ва молиявий харажатларининг таъсири.
   
10. 
    Корхона ишига лойиҳа муваффақиятсизлигининг таъсири, вақт, харажатлар, режалаштирилган вазифаларни бажаришда четланишларнинг таъсири.