3-мавзу: Геномлар хилма-хиллиги ва уларнинг структураси Режа

Р-промотор. Ген ёки опероннинг транскрипция асосий ферменти – РНК-полимераза билан боғланувчи регулятор участкаси. Промоторда консенсус деб номланувчи иккита консерватив зона ажратилади: ТТГАЦА ва ТАТААТ.
ТТГАЦА – Гильберт блоки, ДНК даги ҳолати транскрипция бошланишининг ноль нуқтасига нисбатан – (-35) чапда. Бу транскрипция бошланишидан олдин РНК-полимеразанинг ДНК га боғланиш жойини таниб оладиган зонасидир.
ТАТААТ – Прибнов блоки, DNK даги ҳолати - (-10) – РНК-полимеразанинг тайёргарлиги учун мўлжалланган, шунингдек, трансген организмларни таниб олиш учун маркер ҳам ҳисобланади.
РНК-полимераза прокариот – транскрипцияни амалга оширувчи фермент.
О – оператор – бу ген (ёки оперон) нинг оқсил-регулятор (транскрипцияни фаоллаштирувчи (оқсил-активатор) ёки уни блокловчи (оқсил-репрессор)) билан боғланувчи регулятор участкаси.
R – оқсил-регулятор, ДНК нинг оператор соҳаси билан боғланиб, РНК- полимеразанинг ДНК матрица занжири бўйлаб силжишини фаоллаштириши ёки аксинча блоклаши мумкин. Оқсил-регуляторни кодловчи ген ген (оперон) яқинида ёки ундан жуда узоқ масофада ёки ўша геннинг ичида (аутоген транскрипция назоратида) жойлашган бўлиши мумкин. Бундан ташқари, бир оқсил-регулятор бир неча ген ёки оперонлар ишини бошқариши мумкин. Бундай система регулон деб аталади.
CR – рибосома билан боғланиш маркази, бир неча ўнлаб нуклеотидлардан тузилган бўлиши мумкин. Транскрипция айнан шу зонадан, қоидага кўра ЦАТ кетма кетлигининг аденин нуклеотидан бошланади.
IK – РНК да АУГ ни кодловчи, ундан полипептид занжирининг синтези бошланадиган АТГ бошланиш (иницирловчи) кодони. АУГ рибосомада и-РНК молекуласи таркибидаги биринчи аминокислота формилметионин (эукариотларда метионин) ни кодлайди. Бир нечта микроорганизмларда АУГ ўрнига валинни кодловчи ГУГ бўлиши мумкин.
Структур генлар зонаси (1-3)- иницирловчи кодондан бошланиб, лактоза катоболизми ферментларини кодловчи геннинг нуклеотидлар кетма-кетлигидан тузилган. Рибосомада кечаётган трансляция жараёнида ушбу генларнинг оқсил маҳсулотларини ферментларнинг алоҳида оқсил молекулаларига ажратиш учун структур генлараро Шайна-Дальгар қўшимча кетма-кетликлари жойлашиши мумкин.