3-Mavzu: Destinatsiyalar brendingi va mehmonxona xo`jaligi. Reja

2.Binolar arxitekturasi va dizayni.


Arxitektura ( lot. me'morchilik ) san'ati inson ijodiy faoliyatining qurilish bilan bog'liq bo'lgan alohida turidir, u me'morchilik san'ati tarixi, qonuniyatlari, nazariyasi, binolarning turi va uslubi, kompozitsiyasi kabi qator masalalarni o'rganuvchi fandir. U jamiyatning ijtimoiy-maishiy va g'oyaviy-badiiy ehtiyojlariga xizmat qiladi. Turli-tuman binolar, ularni loyihalash va qurish, inshootlar, shahar va qishloqlar keng ma'noda arxitektura nomi bilan yuritiladi.
Mehmonxona majmuasi (kompleksi) binolari, xonalari, asosiy yuzasidagi pol, shift va devorlar interyer uchun omil hisoblanib, ko'zga ko'ringan barcha mebel va jihozlar ham shular jumlasiga kiradi. Ular xonalar interyerining asosiy elementlari hisoblanib, shu bilan birga faqat mebel va jihozlarning qulay joylashtirilganligi bo'sh xonalarni oz yoki ko'p darajada komfort (qulay) sharoitlar yaratilgan holatga keltiradi hamda servis va texnologik jarayonlarni o'tkazish uchun qulaylik yaratadi. Boshqacha qilib aytganda mebel va jihozlar xonalarning nafaqat chiroyini ochadi, balki ularning funksional vazifasini ham ko'rsatib turadi.
Mehmonxona majmuasining yashash nomerlarida asosiy jihoz bo'lib mebellar (divan, krovat, shkaf, tumbalar, stol va stullar) hisoblanadi. Mebellar nomerlarni chiroyli, shinam qilish bilan birga mehmonlarning yashash sharoitlarini, dam olish, ishlash va uxlashlari uchun ham shinam shart-sharoitlar yaratilishiga katta xizmat qiladi.
Mebellar yashash xonalari interyerining asosiy elementi ekanligini hisobga olib, loyihalash jarayonida ularni joylashtirish masalasini ham albatta hisobga olish kerak. Shuning uchun nomerlarda mebellarning qaysi turlarini o'rnatish kerakligi to'g'risida boshdan bu masalani yechish kerak. Shundan kelib chiqqan holda razryadi va kategoriyasidan tashqari nomerlarda mebellarning quyidagi turlari hamma vaqt mavjud bo'lishi kerak:
- uxlash uchun mebel;
- dam olish uchun mebel;
- ishlash uchun mebel;
- ovqat itse'mol qilish uchun mebel;
- yuklarni saqlash uchun mebel.