3-Ma’ruza. Mavzu: sistema bloki komponentlarini o‘rganish. Mikroprosessorlar va ularning turlari

MMX texnologiyasiga ega protsessorlar
1997 yil 8 yanvar kuni Intel korporatsiyasi MMX texnologiyasiga ega Pentium protsessorini – Intel tomonidan ishlab chiqilgan yangi texnologiya, ya’ni axborotning har-xil (video, audio va shu kabi) turlari bilan ishlaydigan ilovalar samarasini oshirish imkonini yaratuvchi texnologiya joriy etilgan birinchi mikroprotsessorni afisha qildi.
Dasturchilarning fikriga qaraganda, Intel korporatsiyasining afisha qilingan MMX texnologiyasi sо‘nggi 10 yil davomida yaratilgan Intel arxitekturasining sezilarli yaxshilanganligini anglatadi. Ushbu texnologiyani ishlab chiqish tadbirlari u afisha qilingan sanadan bir necha yil oldin, axborotning har-xil turlariga ishlov beruvchi hisoblash tizimlarining jadal rivojlanishiga javoban boshlandi. Jumladan, yuqori sifatli grafika, video tasvir va tovush bilan bog‘liq ishlar о‘ta yuqori unumdorlikka ega protsessorlarni yaratish zaruriyatini tug‘dirdi. Bunday ehtiyojning oshishiga, shuningdek, Internet (Internet) tarmog‘ining ravnaq topishi va shunga muvofiq axborotning har-xil turlarini mavjud aloqa yо‘llari orqali uzatish (yetkazish) zaruriyati yuzaga chiqqanligi ham sabab bо‘ldi. Intel korporatsiyasi muhandislari 57 ta yangi yо‘riqnoma ishlab chiqdilar.
Ushbu yо‘riqnomalar jadal hisoblash amallari bajarilishini talab etib, protsessorlarning muayyan turi ilovalariga xos bо‘lgan odatiy sikllar bajarilishi mobaynida ish unumdorligini oshirish imkonini yaratdi.
Ushbu yangi protsessorlar Intel firmasida yaratilgan 0,35 mikronli yanada yaxshilangan KMOP-texnologiyalar asosida ishlab chiqildi. Mazkur texnologiya quvvat kam sarf etilib, unumdorlikni oshirish imkoniyatini beradi. MMX texnologiyasiga ega Pentium protsessor о‘z ichiga 4,5 million tranzistorni mujassam etgan bо‘lib, unga MMX yо‘riqnomalari kiritilganidan tashqari arxitekturasi ham sezilarli yaxshilangan. Jumladan, kristallga joylashtirilgan keshxotira qurilmasining hajmi ikki barobar oshirilgan (ya’ni endi u 32 Kb ga teng) va shartli о‘tishlarni oldindan samarali aytish mumkin. Bu esa protsessorning standart etalonli sinovlarida unumdorlikning 10-20% ga oshirish imkonini berdi.
MMX texnologiyasi Intel arxitekturasi bilan tо‘liq moslashishni ta’minlaydi. Bundan tashqari, ushbu texnologiya keng qо‘llanilib kelayotgan operatsion tizimlar va amaliy dasturiy ta’minot bilan tо‘liq moslashadi. Ushbu texnologiya bо‘lg‘usi protsessorlarda joriy etildi.