3-илова. Болаларни бошланғич таълимга мажбурий бир йиллик тайёрлаш бўйича гуруҳ педагогларининг намунавий лавозим йўриқномаси

3-илова. Болаларни бошланғич таълимга мажбурий бир йиллик тайёрлаш бўйича гуруҳ педагогларининг намунавий лавозим йўриқномаси

1. Умумий қоидалар
1.1. Бошланғич таълимни мажбурий бир йиллик тайёрлаш учун гуруҳдаги педагог лавозимига асосий ходимлар орасидан мактабгача таълим ташкилоти раҳбарнинг буйруғи билан тайинланади.
1.2. Гуруҳ педагоги қуйидагиларни билиши зарур: Ўзбекистон Республикасининг «Таълим тўғрисида» қонуни, «Бола ҳуқуқлари тўғрисидаги халқаро конвенция», таълим ва тарбия масалалари бўйича норматив ҳужжатлар ва услубий тавсиялар, мактабгача ёшдаги болаларнинг физиологияси ва гигиенаси, болаларнинг ҳаёти ва соғлиғини ҳимоя қилиш қоидалари, тиббий ёрдамгача асослар, назария ва тарбиявий ишларнинг услубияти, фуқаролик ва меҳнат қонунчилиги асослари, меҳнатни илмий ташкил этиш асослари.
1.3. Педагог МТТ раҳбари ва методисти раҳбарлигида ишлайди ва уларга ўз иши ҳақида ҳисобот беради.
1.4. Гуруҳ педагоги мунтазам равишда педагогик йиғилишларда, методик бирлашмаларда, узлуксиз ўқув курсларида ва бошқа тадбирларда қатнашиб ўз малакаларини ошириши керак.
2. Гуруҳ педагогинининг болаларни бошланғич таълимга мажбурий бир йиллик тайёрлашдаги асосий вазифалари:
2.1. Болаларнинг кундалик ҳаётини, уларни тарбиялашни режалаштиради ва ташкиллаштиради, кундалик ишларни олиб боради, психологик ва жисмоний ривожланишлари учун шароит яратилишини таъминлайди.
2.2. Болалар саломатлигини сақлаш ва мустаҳкамлашни таъминлайди, уларнинг ҳаёти ва саломатлиги учун жавобгардир.
2.3. Болаларга эҳтиёткорлик билан муносабатда бўлиш, уларнинг индивидуал қобилиятлари, қизиқишлари ва мойилликларини ўрганиш.
2.4. Болаларнинг ижодий қобилиятларини ривожлантириш, уларнинг ўзини намоён қилиши учун шароит яратади.
2.5. Унинг гуруҳидаги болаларнинг давоматини кузатади.
2.6. У катта ҳамширага болаларнинг машғулотлар, ўйинлардаги ҳолати соғлиғидаги ўзгаришлар тўғрисида хабар беради, яшаш жойидаги соғлиқни сақлаш идорасини хабардор қилади.
2.7. Болаларнинг ота-оналари (уларнинг ўрнини босадиган шахслар) билан уларнинг ривожланиши, таълим ва тарбия масалалари бўйича ўзаро ҳамкорликда бўлади.
2.8. Педагогик таълим тарбияга оид тадбирларда иштирок этади, бошқа педагогларнинг тажрибасини ўрганади, уларни тажрибасини умумлаштиради.
2.9. Хавфсизлик қоидаларини билиши, ёнғин ўчиргич билан ишлай олиши, ёнғин содир бўлган тақдирда болаларни эвакуация қилиш режасини билиши зарур.
2.10. Ягона ўқув жараёнидаги мутахассисларнинг ишини мувофиқлаштиради.
3. Болаларни бошланғич таълимга мажбурий бир йиллик тайёрлаш бўйича гуруҳ педагоги қуйидаги ҳуқуқларга эга:
3.1. Мактабгача ёшдаги гуруҳларда педагогик фаолият билан шуғулланиш ҳуқуқига эга шахслар тегишли ихтисослаштирилган маълумотга, касбий тайёргарликка ва юқори ахлоқий фазилатларга эга бўлган шахслар бўлиши керак.
3.2. Мактабгача таълим ташкилоти мудири ва методисти ва мактабгача таълимнинг ҳудудий органидан педагогик жараённи ташкил этиш бўйича маслаҳат олиши.
3.3. Мавжуд методик адабиётлар ва қўлланмалардан машғулотларга тайёрланишда фойдаланиш.
3.4. Болаларни тегишли санитария текширувисиз гуруҳга қабул қилмаслик.
3.5. Маъмуриятдан ишлаш учун зарур шарт-шароитларни яратишни талаб қилиш.
4. Болаларни бошланғич таълимга мажбурий бир йиллик тайёрлаш учун гуруҳ педагоги қуйидагиларга маъсулиятлидир:
4.1. Болаларнинг ҳаёти ва соғлиғини ҳимоя қилиш.
4.2. МТТ Низомига мувофиқ, Ўзбекистон Республикаси Мактабгача таълим вазирлигининг дастурий ва услубий кўрсатмаларига мувофиқ болаларни тарбиялаш ва ўқитиш
4.3. Тиббий кўрикдан ўз вақтида ўтиш.
4.4. Тартибга, меҳнат интизомига, хавфсизлик қоидаларига риоя қилиш.

@xorazmmtb телеграмм каналини кузатиб боринг