3 bosqich 19. 07 Guruh talabasi qirg’izboyeva gulchehraning matematika va informatika o’qitish metodikasi

Maktab matematika kursini o‘rganishda interfaol metodlardan foydalanish

Geometrik shakl va shakliy munosabatlari mukammal o‘rganish o‘quvchilarni fazoviy ob’ektlarni to‘g‘ri tasavvur qilishga, shuningdek, geometrik xossalarni tushunish, anglash orqali mantiqiy fikrlashga yo‘naltiradi. O‘quvchilarni kelajakda qaysi kasbda faoliyat olib bormasin, bu kabi masalalarga duch kelishi aniq. Ayniqsa, me’morchilik va qurilish, muxandislik kabi sohalarni tanlagan yoshlar mazkur qonuniyatlarni chuqurroq o‘rganishi shart. Bu boradagi bilimlar esa geometriya fanining har bir sabog‘ida yanada mukammallashib boradi. Biz tavsiya etayotgan dars ishlanmasi akademik litseylarning 1-kurs o‘quvchilari uchun mo‘ljallangan bo‘lib, pedagogik texnologiya tamoillarini qo‘llagan holda interfaol usulda dars o‘tish tavsiya etiladi.

GEOMETRIYA 1-kurs

Mavzu: Uchburchak medianasi, bissektrisasi va balandligi.
Ajratilgan saot: 2 saot.
Ta’limiy maqsadlar: o‘quvchilarda uchburchakning medianasi, bissektrisasi va balandligining ta’rifi, xossalarini tushuntirish va ularni berilgan tomonlari orqali topish usullarini o‘rgatish.
Tarbiyaviy maqsad: o‘quvchilarning geometriyaga bo‘lgan qiziqishini oshirish.
Rivojlantirish maqsadlari: o‘quvchilarni mustaqil fikrlashga o‘rgatish, dunyoqarashini kengaytirish, fazoviy fikrlashini oshirish, qo‘shimcha manbalar bilan ishlash ko‘nikmasini rivojlantirish.

O‘qituvchining maqsad va vazifalari:

1. 
   Kognitiv, idrok etish maqsadlari (nimani biladi va tushunadi?):
   

-uchburchak medianasi burchak uchi bilan shu burchak qarshisidagi tomonning o‘rtasini tutashtiruvchi kesma ekanini biladi;
-uchburchak bissektrisasi burchak bissektrisasining uning uchi bilan shu burchak qarshisidagi tomonning tutashtiruvchi kesma ekanini biladi;

• 
  uchburchak balandligi burchak uchidan qarshi tomoniga tutashtirilgan perpendikuliyar ekanini biladi.
  

2. 
   Psixomotor, (faoliyat) maqsadlari (nima qiladi?):
   

• 
  uchburchakning medianasini berilgan tomonlari orqali hisoblay oladi;
  
• 
  uchburchakning bissektrisasini berilgan tomonlari orqali hisoblay oladi;
  
• 
  uchburchakning balandligini berilgan tomonlari orqali hisoblay oladi;
  

3. 
   Affektiv, xissiyot-qadriyatli maqsadlar (nimani sezadi?):
   

-teng yonli uchburchakning asosiga qarama-qarshi yotgan uchidan o‘tkazilgan bissektrisa ham, mediana ham balandlik bo‘lishini biladi;
-o‘rganilayotgan masalaga qiziqish bildiradi va muhokamada eshtirok etadi;

• 
  uchburchakning medianasi, bissektrisasi va balandligini hisoblashga masalalarni yechishda guruh bilan hamkorlik qilishga intiladi.