3 Annotatsiya

Plastmassa konstruksiyalari
. 
Qurilish konstruksiyalarida plastmassadan 
foydalanish texnik va iqtisodiyot jihatdan quyidagi holatlarda samarali hisoblanadi: 
a) konstruksiya massasini kamaytirishda; 
b) transportda tashish va montaj ishlari hajmini kamaytirishda; 
 
v) ko‘tarish-tashish uskunalarining quvvatini kamaytirishda; 
g) bino va inshootlarning ishonchlilik darajasini oshirishda; 
d) metalsiz konstruksiya ishlatish talab qilinganda (agressiv muhitda ishlay-
digan konstruksiyalar uchun). 
Texnik va iqtisodiyot nuqtai nazaridan yaqin yillarda konstruktiv shakllar 
sifatida devor panellari, kichik ravoqli tom panellari, yorug‘lik o‘tkazuvchi ashyo-
lardan tiklanadigan fazoviy konstruksiyalar keng qo‘llaniladi. 
Boshqa ashyolar bilan birga plastmassadan uch qatlamli panel va plitalarning 
kompleks yechimi va sintetik ashyolardan tayyorlanadigan pnevmatik 
konstruksiyalar tayyorlash maqsadga muvofiqdir.
Yuqorida keltirilgan konstruksiyalarni qo‘llagan holda eksperimental loyi-
halash va qurishni davom ettirish, plastmassadan foydalanib tayyorlanadigan kon-
struksiyalarni zavod sharoitida ishlab chiqarishni yo‘lga qo‘yish va ularni bir xil 
tipga keltirish va standartlashtirish muhim masala hisoblanadi.