3-амалий иш трактор двигателнинг тузилиши ва ишлаш жараёнини ўрганиш

3-АМАЛИЙ ИШ

Трактор двигателнинг тузилиши ва ишлаш жараёнини ўрганиш

1.Ишнинг мақсади: Трактордвигателининг умумий тузилиши ва ишлаш жараёни билан танишиш
2.Керакли жиҳозлар: трактор ёки трактор двигатели,кўргазмали қуроллар, ўқув филмлари, адабиётлар.
3.Ишни бажариш тартиби:


Двигател – бу иссиқлик, электр, гидравлик каби энергияларни механик ишга айлантириб берадиган машинага айтилади.
Қишлоқ хўжалиги ишлаб чикаришида асосан замонавий трактор ва автомобиллардан фойдаланилади, уларда иссиқлик энергиясини механик ишга айлантириб берадиган ички ёнув двигателлари қўлланилади.
Трактор ва автомобилларда цилиндрлари бирва икки қаторли двигателлар қўлланилади.

1.2-расм. Двигател цилиндрларининг жойлашиш турлари:
а-бир қаторли тик; б-бир қаторли тик ўққа бурчак остида; d- “V”-симон;
е-цилиндрлар қарама-қарши жойлашган: 1-цилиндр; 2-блок каллаги;
3- цилиндр блоки; 4-картер таги
Бир қаторли двигател цилиндрлари (1.2-расм)вертикал (а) ёки вертикалга 20… 45⁰ бурчак остида (б) жойлашган бўлиши мумкин. Икки қаторли двигателлар цилиндрлар ўқи орасидаги бурчак 90⁰ бўлганда “V”-симон (д), агарда бу бурчак 180⁰ни ташкил этса цилиндрлари карама-карши ётувчи (е) двигателлар дейилади.
Ички ёнув двигатели асосий блокдан 1 (1.3-расм) ташкил топган бўлиб, унинг ичига цилиндр гильзаси 2 ўрнатилади. Цилиндрнинг юқори қисми махсус мураккаб ҳолатда тузилган цилиндр каллаги 7 билан мустаҳкам беркитилган. Унда ёқилғи аралашмасини киритиш 8 ва ёнган газни ташқарига чиқариш 9 йўлаклари ясалган бўлиб, бу йўлакларнинг тешиклари герметик усулда очиб ёпадиган беркитгичлар (клапан) 10 ҳамда бензин ёки газ аралашмасини ёқадиган учқун чиқаргич ёки дизел ёқилғини пуркайдиган пуркагич (форсунка) 11 билан жиҳозланган.


а) б)