3. 3-Lekciya Ataması: Tokarlıq stanokları. Jobası

3.3. Tokarlıq toparındaǵı stanoklar hám olardıń klassifikaciyası
Bizge belgili, stanoklardıń tokarlıq toparına ápiwayı, vint-qırqıwshı, lobovoy, karusel`, revol`ver, yarım avtomat, avtomat hámde basqa stanoklar kiredi.

Tokarlıq-vint qırqıwshı stanokları hár túrli operaciyalardı orınlaw ushın arnalǵan. Bul stanoklarda formalı betler jonıw, cilindrli hám konus tárizli tesiklerdi jonıp keńeytiriw, kese-kesimli betlerdi jonıw, sırtkı hám ishki rez`balar qırqıw, tesikler burawlaw, zenkerlew hám razvyortkalaw, zagotovkalardı qırqıp túsiriw, qısman kesiw hám basqa operaciyalardı orınlawı múmkin.

Sanaatımızda, tiykarınan 160-1250 mm li zagotovkaǵa islew bere alatuǵın hám orayları aralıǵı 12500 mm bolǵan tokarlıq-vint qırqıwshı stanokları islep shıǵarıladı. Bul stanoklarda aylanıwshı deneli formadaǵı zagotovkalardıń sırtqı hám ishki betlerin kesip islew beriw nátiyjesinde olarǵa cilindrli, konuslı hámde formalı kórinis beriledi hám basqa qatar isler orınlanadı. Bul toparǵa kiriwshi stanoklardıń ayrımları menen tanısıp shıǵamız.

3.6-súwret. Lobovoy tokarlıq stanogi: 1-aldınǵı babka; 2-planshayba; 3-kese stanina; 4-ústingi salazka; 5-keskish tutkısh.