3- мавзу. Тижорат мақсадларида фойдаланиладиган кўчмас мулк объектлари

Отель, мехмонхоналар
юлдузлар усули – унинг асосида меҳмонхоналарни бирдан бешгача юлдузлар билан белгиланган даражаларга бўлиш ётади, Франция, Миср, Хитой, Россия, Ўзбекистон ва бошқа кўплаб мамлакатларда қўлланилади;
ҳарфлар усули (A, B, C, D) – Грецияда қўлланилади
(A = 4*, B = 2*, C = 3*, D = 1*);
тожлар усули – Буюк Британияда қўлланилади;
разрядлар усули – собиқ СССР ҳудудида: люкс, юқори А, юқори В, биринчи, иккинчи, учинчи, тўртинчи.

Мезонлар	Кўчмас мулк объектлари	Қулайлик даражаси
Иқтисодли даража: 1*, 2* категорияли меҳмонхоналар, мотеллар, пансионлар, хостеллар	«Хосилот», «Тонг», «Водий» пансиони	Хонада – крават, устки кийим учун жавон, тумбочка ва тошойна. Қўшимча ҳақ учун – телефон, телевизор ва музлатгич. Одатда улар хона жойлашган қаватда ўрнатилади. Оддий шароитда яшаш нархи 25000-80000 сум. Хосилот – биринчи навбатда, республика вилоятларидан келувчилар учун мўлжалланган. Ҳожатхона ва душхона қаватда жойлашган. Хоналар 2-5 кишига мўлжалланган.

Мезонлар	Кўчмас мулк объектлари	Қулайлик даражаси
Ўрта даража: 3* ва 4*категорияли меҳмонхоналар	«Ўзбекистон», «Гранд Отель Ташкент», «Караван» меҳмонхоналари	3* категория, одатда, ишбилармонлар учун мўлжалланган. Одатда, меҳмонхонада конференцзаллар ва бизнес марказлар жойлашади. Валюта айрибошлаш пунктлари бўлади. Ҳовуз, бильярд, боулинг, теннис таклиф қилинади. Сартарошхона ва тиббий пункт бўлиши шарт. Қўшимча ҳақ учун музлатгич ёки мини-бар тақдим қилиниши мумкин. Бундай меҳмонхоналарда “мавсумийлик” ҳисобга олинади, ҳамда узоқ муддат қоладиганларга чегирмалар қилинади. 4*меҳмонхоналарда 3*меҳмонхоналар сервис хизматларига кондиционер ва сейф, ҳамда спутникли телевидение қўшимча қилинади. Шунингдек фитнес-марказ, сауна, гўзаллик салони, теннис корти, ҳамда кўплаб ресторан ва барлар бўлади.