3- курс кимё талабалари учун Кимё ўқитиш методикасида

Ko’rsatiladigan tajribaga qo’yiladigan talablar:

Yaqqol ko’rinish. Tajribalarning sinfdagi o’quvchilarga yaqqol ko’rinishi uchun reaksiya olib boriladigan idishlarning hajmi kattaroq bo’lishi, reaktiv va eritmalarning hajmi kattaroq bo’lishi, reaktiv va eritmalarning miqdoridan ko’proq olinishi va kattaroq qurilmalardan foydalanish talab etiladi.Probirkada olib boriladigan tajribalar faqat uchinchi qator stolida o’tirgan o’qivchilarga yaxshi ko’rinishi mumkin, shuning uchun tajribani to’liq ko’rsatish maqsadida o’lchov silindrlaridan yoki katta hajimdagi probirkalardan foydalaniladi. Tajriba o’tkaziladigan stoldan o’quvchilarning diqqatini o’ziga tortadigan boshqa narsalar olib qo’yiladi.

Tajribalar yaqqol ko’rinishini kuchaytirish uchun Petri idishida olib borilayotgan tajribani kodoskob orqali ekranga tushirib, namoyish qilish kerak. Masalan: natriyning suvga ta’sirini ko’rsatishda natriy bo;lagi katta olinsa tajriba xavfli bo’ladi, juda kichik bo’lagi olinsa yomon ko’rinadi. Shuning uchun bu tajribani kichik bo’lakli natriy yordamida bajarib, kodoskop yoki videoglaz, kompyuter orqali ekranga tushirib ko’rsatiladi.

Oddiylik. Ma’lumki kimyoning tekshirish ob’ekti asbob emas, balki unda sodir bo’layotgan jarayonlar hisoblanadi. Shuning uchun asbob yoki qurilma murakkab bo’lmasa, tajribani tushuntirish oson bo’ladi. Tajribalarni namoyish qilishda maishiy xizmat idishlaridan foydalanish mumkin emas. Ular ko’pincha kimyoviy tajriba o’tkazishda qiyinchilik tug’diradi. O’quvchilar qiziqarli tajribalarni, masalan, alanga chiqishi, portlash, rang o’zgarishi bilan boradigan tajribalarni diqqat bilan kuzatadilar, jarayonning mohiyatini bilishga intiladilar. Shuning uchun tajribalardan o’qitishning dastlabki vaqtlarda foydalanish o’quvchilarning kimyo faniga bo’lgan qiziqishlarini kuchaytiradi .