28-tema. Pul aylaníSÍ. Kredit sistemasí HÁm bankler tákirarlaw ushın sorawlar hám tapsırmalar

---

28-TEMA. PUL AYLANÍSÍ. KREDIT SISTEMASÍ HÁM BANKLER 
Tákirarlaw ushın sorawlar hám tapsırmalar: 
1.
Puldıń mánisin onıń ekonomikada orınlaytuǵın wazıypaları arqalı túsindiriń.
2.
Puldıń payda bolıw haqqındaǵı teoriyalarǵa táriyip beriń. 
3.
Puldıń likvidligi hám puldıń qádirin mısallarda túsindiriń.
4.
Naq hám naq bolmaǵan pullar táriyip beriń. Mısallar keltiriń. 
5.
Pul aylanısı hám onıń nızamınıń mazmunın túsindiriń.
6.
Aylanıs ushın zárúr bolǵan puldıń muǵdarı qanday fakt orlarǵa baylanıslı?
7.
Fisher teńlemesin jazıń hám onıń mánisin túsindiriń.
8.
Inflyaciyanıń mazmunı hám onıń sebeplerin túsindirip beriń.
9.
Inflyaciyanıń túrlerine xarakteristika beriń. Olarǵa mısallar keltiriń.
10.
Inflyaciya dárejesi qalay anıqlanadı?
11.
Ózbeksitanda milliy valyutanıń qunın kóteriw boyınsha qanday ilajlar ámelge 
asırılmaqta? Faktler tiykarında túsindirip beriń.
12.
Kredit beriw prinsiplerin sanań hám olarġa xarakteristika beriń.
13.
Kredittiń túrlerin sanań, olardı mısallarda túsindiriń.
14.
Bank sisteması haqqında túsinik beriń. 
Toparlarda islew ushın wazıypa 
1.
Pul sisteması hám onıń elementlerin túsindiriń. 
2.
Pul aylanısı hám onıń nızamınıń mazmunın jaratıń. 
3.
Inflyaciya, onıń sebepleri, túrleri hám social -ekonomikalıq aqıbetlerin xarakterleń. 
Metodikalıq kórsetpe: háreket izbe-izligi (algoritm)
1. Mashqalanı soraw formasına keltiriń. 
2. Tiykarǵı máseleni qáliplestiriń, onıń sheshimi mashqalalı sorawǵa juwap beriw 
dárajesinde bolsın.
3. Milliy ekonomikanıń pul sistemasın bahalaw múmkinshiligin beriwshi tiykarǵı 
ólshemlerdi aytıń.
4. Sheshim algoritmin dúziń.
5. Jámáát bolıp tańlanǵan kórsetkishti bahalań, olardı jaratıw izbe -izligin ornatıń.
6. Milliy ekonomikanıń pul sistemasın bahalaw boyınsha tańlanǵan kórsetkish 
tiykarında bir qatar kishi mashqalalardı qáliplestiriń hám kestege jazıń.
7. “Sheshimniń mazmunı” baǵanasına olardı anıqlaw, yesaplaw formulası hám tártibin 
jazıń.
8. Mashqalanı sheshiw kestesin toltırıń .
9. Siz tárepinen keltirilgen kórsetkishtiń milliy ekonomikanıń pul sisteması ushın 
áhmiyetin jaratıń hám aralıq juwmaqlardı qáliplestiriń hám jazıń.
10. Juwmaqlawshı nátiyjeni anıqlań hám ápiwayı yetip qáliplestiriń.
Mashqalanı sheshiw kestesi 
Mashqalanıń qáliplestiriliwi: 
Juwmaqlawshı nátiyje: 
Kishi mashqalalardı qáliplestiriw 
Sheshimlerdiń mazmunı 
Juwmaqlar 
1 
2 
3 
1. 
2. 
n. 
 
Jumıs tártibi hám reglament
1. Mashqalanı sheshiw hám prezentaciya qaǵazın jazıw ushın toparda islewge - 20 
min. 
2. Mashqala sheshimin prezentaciyalaw – 8 min. qa shekem. 
3. Jámáát bolıp talqılaw, juwmaqlardı qáliplestiriw - 10 min. qa shekem. 
4. Ózara bahalaw – 1 min. 
Máseleler 
1. Eger tutınıw tovarlarınıń baha indeksi 2016 -jılı 113,6, 2017-jılı 118,8 ke teń bolsa 
inflyaciya páti neshe procentti quraydı?

---

2. Satılǵan tovarlar summası 150 mln doll. bolıp, sonnan 50 mln. doll. múddeti kelgen 
qarızlar hám basqa tólemler 40 mln doll., puldıń aylanıs tezligi 7 ge teń bolǵanda aylanıs 
ushın zárúr bolǵan puldıń muǵdarın anıqlań. 
3. Mámlekette puldıń usınısı 100 mln. doll.di q uraydı. Nominal JIÓ bolsa 500 mln. 
doll. Eger pildıń usınısı 2 yese artsa puldıń aylanıs tezligi qanday ózgeredi (klassik 
muǵdarlı pul teoriyasına muwapiq)? 
4. Májbúriy rezerv norması 5 % ke teń. Bank sisteması 20 mln. sum ssuda bergende 
puldıń usınısı qanday ózgeredi? 
5. Siz bankten 100 mln. sum muǵdaında ssuda aldıńız. Bunnan keyin basqa firma 
tárepinen sol bankke 40 mln. sum amanat pulı qoyıldı. Puldıń usınısı qanday boldı?