22 ma’ruza: informatika va axborot texnologiyalari fanini o‘qitishning maqsad va vazifalari reja

22 - MA’RUZA: INFORMATIKA VA AXBOROT TEXNOLOGIYALARI FANINI O‘QITISHNING MAQSAD VA VAZIFALARI   Reja: 1. Umumiy o‘rta ta’lim maktablarida informatika va axborot texnolgiyalarini o‘qitishning maqsadi va vazifalari 2. Akademik litsey va kasb-hunar kollejlarda informatika va axborot texnolgiyalarini o‘qitishning maqsadi va vazifalari.

Maqsadni belgilash

Maqsadni belgilash – texnologiyalashtirishning asosiy omili hisoblanib, pedagogik texnologiyani loyihalashtirish, o‘quv jarayonini tuzish hamda tashkillashtirish shundan boshlanadi.

Maqsad – ko‘zlanayotgan natija modeli ko‘rinishidagi muhim yo‘nalishning mahsuli.

Maqsad - faoliyat natijasini nihoyatda oldindan bilish.

Bu esa, ta’lim subyektlarining faoliyat yakunida egallashlari ko‘zlanayotgan narsadir.

NATIJA

1) o‘quv faoliyatida olingan natija ta’lim oluvchining rivojlanishida oldinga siljish bo‘lib, bu uning u yoki bu faoliyatida o‘z aksini topadi;

2) o‘quv jarayonining samarali borishini namoyon qilib, maqsadga erishilganlik darajasini xususiyatlaydi: ta’lim berish va ta’lim olish jarayoni natija maqsadga mos kelgandagina tugaydi.

Maqsadni belgilash samaradorligi o‘qitish natijalarini belgilangan maqsadga mos kelish darajasi bilan aniqlanadi (1-jadval).

O‘quvchilar tomonidan BMK o‘zlashtirish darajasi	Ularga erishishning maqsad va natijalarini ifodalanishi. O‘quv faoliyatini baholash mezonlari
I. Bilishlikka oid (tanish bo‘yicha harakatlanishi)	Ta’lim maqsadi: ...to‘g‘risida tushunchalarni shakllantirish. Natijalar: (ma’lum, tanish narsani o‘zgartirishsiz, umumiy taxminlarni) tushuntiradi, aytadi, sanab o‘tadi; (o‘z so‘zlarida) qaytarib beradi; tashqi belgi va xususiyatlari bo‘yicha biladi, taniydi; (so‘zma-so‘z) yozadi. Baholash mezoni: axborotni xatosiz qayta takrorlaydi.

II. Algoritmli (namuna, o‘xshashlik bo‘yicha harakatlanish)

Ta’lim maqsadi: ...to‘g‘risida bilimlarni shakllantirish, nazariy bilimni o‘xshashlik bo‘yicha qo‘llash, harakatlarni algortim bo‘yicha bajarish ko‘nikmalarini shakllantirish, (rivojlantirish, mustahkamlash). Natijalar: asosiy fikrni ajratadi; baho beradi, yakun yasaydi, isbotlaydi, tasniflaydi; tushuntiradi, asoslaydi, umumlashtiradi, ishonchli dalillar keltiradi, taqqoslaydi, xulosalar chiqaradi; mustaqil vazifalarni yechadi; tanish sharoitlarda (namuna) tayyor ketma-ketlik bo‘yicha harakatlarni bajaradi: o‘lchashlarni o‘tkazadi, sinaydi; tekshiradi, (tizimlarni, jihoz va boshqalarni) tashxis qiladi; yechadi, yig‘adi; texnik topshiriq, chizmalarni o‘qiydi; ishlab chiqarish ishlarini bajaradi, (jihozlarni) ishlatadi va boshqalar; referat tayyorlaydi, tuzadi va grafik, sxema, jadvallarni o‘qiydi. Baholash mezonlari: harakatlarni asos bilan namunali o‘rgangani bo‘yicha o‘qituvchi rahbarligi ostida bajaradi.

III. Evristikli (harakatlarni tanlash)

Ta’lim maqsadi: ... shaxsiy faoliyat tartibini tashkil etish va shu bo‘yicha mustaqil ijodiy izlanishni olib borish va bilimlarni izlab topish, ularni yangi holatlarda qo‘llash ko‘nikma va malakalarini shakllantirish Natijalar: shaxsiy faoliyatini rejalashtiradi va tashkillashtiradi; kerakli axborotni topadi, tanlaydi, qo‘llaydi va yangidan hosil qiladi; yasaydi, murakkablashtiradi, soddalashtiradi; sinaydi; Baholash mezoni: yangi holatda faoliyat yuritish qobiliyatini ko‘rsatadi, yangidan hosil bo‘lgan bilimlari asosida harakatlarni bajaradi, shaxsiy faoliyatini mustaqil tuzadi.

IV. Ijodkorlikka oid (harakatlar-ni izlash)