21 mart- navro'z bayramiga bag'ishlangan tadbir dasturi. Navro'z-boqiy bаyгаm l-boshlovchi

Endi navbatni Navro'zga bag'ishlangan maqollarga bersak.

Yoz kelganin laylak bilur,
Qish kelganin - ola qarg'a.

Ekin- tikiningni yig'ib ol,
Qish g'amingni yеb оl.

Bir qaldirg'och kelgani bilan bahor bo'lmas.

2-boshlovchi:
An'analar, urf-odatlar, rasm-rusumlar insoniyat taraqqiyotida muhim o'rin tutadi. Ular hayotiy zarurat tufayli paydo bo'lgan va xalqning turmush tarzi, ruhiyati, ma'naviy dunyosi orzu istaklarini ifoda etib jamiyatning ma'naviy axloqiy rivojlanishiga katta ta'sir qilgan.
Endi navbat Navro'z udumlariga.
"Navro'z udumlari"
Navro'zda uy-joy tozalaydilar.
Navro'zga qadar daraxtlar tanasini oqlaydilar.
Navro'zda bug'doy undirib, sumalak pishiradilar.
Navro'zda yaxshi niyatlar qiladilar.
Navro'zda yangi kiyim-bosh kiyadilar.
Navro'zda ot chopishga hozirlik ko'radilar.

Navro'zda g'amgin o'tirmaydilar.

Navro'zda Navro'z taomlari pishiradilar.
Navro'zda hovlilarda chalg'i yasaydilar.
Navro'zda qiz tanlagani chiqadilar.
Navro'zda araz-ginalarni unutadilar.
Navro'zda g'iybat qilmaydilar.
Navro'zda otni, itni urmaydilar.
Navro'zda ilon o'ldirmaydilar.
2-boshlovchi:
Navro'z shunday ajoyib xalq bayramiki u faqat samimiylikni shodiyonalikni kuylab kelgan. А. Navoiy Navro'zni samimiylik sevgida,Mashrab sahrodagi yontoq gullarida, Ogahiy bog'u-bo'stonda, Muqumiy sayrayotgan bulbul navosida, Furqat nastarin gulidan ko'rgan.

l-boshlovchi:
Qizg'aldoq bargidek uchar dildan g'am,
Toshqinlar kechadi qalbimga manim.
Bahoring muborak bo'lsin ushbu dam,
Mening O'zbekistonim dilbar Vatanim.

2-boshlovchi:
Qadrli do'stlar, qadimiy va betakror milliy o'zligimizni anglash timsoli bo'lmish Navro'z ayyomi istiqlol sharofati tufayli yangicha mazmun kasb etmoqda, xalqimizning bu muqaddas shodiyona yurtimizdagi, tinchlik, ezgulik, saxiylik, bunyodkorlik bayramiga aylanmoqda.

l-boshlovchi:
Biz esa, Navro'zni tinch o'lkamizning go'zal tabiatida gullab yashnayotgan obod o'lkamizning chiroyida kuyini kuylaguvchi umrboqiy kuychidir.
Xazrat А. Navoiy:
"Har tuning qadr o'lubon
Har kuning bo'lsin Navro'z"
deganlaridek, tinch yurtimizda hamisha Navro'z bo'laversin. Har bir kunimiz shu Navro'z shodiyonasidek quvonchli bo'lsin. Aziz mehmonlar уаnа bir bor Navro'zu olam muborak bo'lsin.


2-boshlovchi:
Xush kelding, Navro'zim, qutlug' qadaming,
Rux kirib dillarga jadallab kelgin.
Uyg'otar borliqni har Masix daming,
Sen bugun sumalak hidiga to'ygin.


l-boshlovchi:
Navro'z jozibasi atlasmi ekan,
Turfa nur taratar har naqsh izi.
Polvonlar davrada " уо AIi" degan,
So'zidan hayratda butun yer yuzi.