2021-yil 25-noyabr 2021-yil

Фойдаланилган адабиётлар рўйхати
1. Ўзбекистон Республикаси Президенти Шавкат Мирзиёевнинг Олий Мажлисга Мурожа-
атномаси.//Халқ сўзи 25.01.2021 йил.
2. 2017–2021 йилларда Ўзбекистон Республикасини ривожлантиришнинг бешта устувор 
йўналиши бўйича Ҳаракатлар стратегияси.// 
3. Глухов В. В. Менеджмент: для экономических специальностей / В. В. Глухов. – Санкт– 
Петербург: Питер Пресс, 2017. – 600 с. 
4. Гончаров В. И. Менеджмент: учебное пособие / В. И. Гончаров. – Минск : Современная 
школа, 2016. – 635 с. 
5. Егоршин А.П. Основы менеджмента: Учебник для вузов / А.П. Егоршин. – Н.Новг.: 
НИМБ, 2018. – 320 c.

---

96
МОЛИЯВИЙ ИНВЕСТИЦИЯЛАР ҲИСОБИ 
 
АМАЛИЁТИНИ ТАКОМИЛЛАШТИРИШ
М.С.Тулаев, 
и.ф.н.,
кафедра доценти, ТДИУ
Аннотация:
Мақолада акциядорлик жамиятлари ва масъулияти чекланган 
жамиятлари томонидан акция ва корпоратив облигацияларни муомалага чиқариш, 
уларнинг сотиш қиймати, облигациялар бўйича дисконт ва мукофотларни ҳисобда акс 
эттириш амалиётини такомиллаштиришга доир таклифлар ишлаб чиқилган.
Таянч иборалар.
 Акциядорлик жамиятлари, акция, корпоратив облигациялар, 
облигацияларнинг дисконт ва мукофотлар амортизациясининг ҳисоби
Аннотация:
 В статье исследуется практика выпуска акций и корпоративных 
облигаций акционерными обществами и обществами с ограниченной ответственно-
стью, предлагается усовершенствовать учет их продажную стоимость, дисконтиро-
вание и премии по облигациям.
Abstract:
 The article examines the practice of issuing shares and corporate bonds by joint 
stock companies and limited liability companies, it is proposed to improve the accounting of their 
selling value, discounting and bonuses.
Ўзбекистон Республикаси Президенти Ш.М.Мирзиёевнинг Олий Маж-
лисга Мурожаатномасида: “Жаҳон тажрибаси шуни кўрсатадики, қайси давлат 
фаол инвестиция сиёсатини юритган бўлса, ўз иқтисодиётининг барқарор ўси-
шига эришган. Шу сабабли ҳам инвестиция – бу иқтисодиёт драйвери, ўзбекча 
айтганда, иқтисодиётнинг юраги, десак, муболаға бўлмайди. Биз фақат инвести-
цияларни фаол жалб қилиш, янги ишлаб чиқариш қувватларини ишга тушириш 
ҳисобидан иқтисодиётимизни жадал ривожлантиришга эришамиз. Иқтисоди-
ётдаги ижобий натижалар эса ижтимоий соҳада тўпланиб қолган муаммоларни 
тизимли ҳал этиш имконини яратади. Буни ҳаммамиз чуқур тушуниб олишимиз 
ва ишимизни шу асосда ташкил этишимиз шарт. Хорижий инвестицияларни 
кенг жалб қилиш учун мамлакатимизнинг инвестиция салоҳиятини тўла намоён 
этиш чораларини кўришимиз кундалик ҳаётимиздан жой олган энг долзарб ма-
салалардан бири бўлмоғи лозим” [1], деб таъкидлаб, хорижий инвестициялар-
нинг иқтисодиётни ривожлантиришдаги ғоят муҳим аҳамиятини ва уни жалб 
қилишнинг долзарблигини эътироф этади. Қимматли қоғозлар бозори тўғриси-
даги Ўзбекистон Республикасининг Қонунига мувофиқ қимматли қоғозлар бир 
неча турга бўлинади [2]. 
Қимматли қоғозлар қуйидаги турларга ажратиш амалиёти қўлланилади 1) 
улушли қимматли қоғозлар (оддий ва имтиёзли акциялар); 2) қарз қимматли 
қоғозлар (облигациялар, ғазна мажбуриятлари, депозит сертификатлари, век-

---

97
сел); 3) қимматли қоғозларнинг ҳосилалари (опционлар, қимматли қоғозларга 
доир фьючерслар, депозитар тилхатлар).
Молиявий инвестицияларни амалга оширадиган шахс инвестор дейилади. 
Инвестор акциядорлик жамият томонидан муомалага чиқарилган акция ёки 
корпоратив облигацияларни сотиб олиш билан молиявий инвестицияни амал-
га оширади.
Амалга оширилган молиявий инвестицияларнинг муомалада бўлиш мудда-
тига қараб улар иккига бўлинади: муомалада бўлиш муддати 12 ойдан кўп бўлса 
– улар узоқ муддатли молиявий инвестицияларга, агар муомалада бўлиш мудда-
ти 12 ойгача бўлса, улар қисқа муддатли инвестицияларга бўлинади. 21-сонли 
бухгалтерия ҳисобининг миллий стандартига (БҲМС) мувофиқ узоқ муддатли 
инвестицияларни 0600 счётда, қисқа муддатли инвестициялар эса 5810 счётлар-
да ҳисобга олиб борилади.
Акция 
— ўз эгасининг акциядорлик жамияти фойдасининг бир қисмини 
дивидендлар тарзида олишга, акциядорлик жамиятини бошқаришда иштирок 
этишга ва у тугатилганидан кейин қоладиган мол-мулкнинг бир қисмига бўл-
ган ҳуқуқини тасдиқловчи, амал қилиш муддати белгиланмаган, эгасининг номи 
ёзилган эмиссиявий қимматли қоғоздир[2]. 
Инвестор “Toshkent shahar dori-darmon” акциядорлик жамияти томонидан 
чиқарилган акцияларни сотиб олиш учун брокер билан шартнома имзолади. Ак-
цияларнинг номинал қиймати 2400 сўм бўлган оддий акцияларнинг 10 000 до-
насини сотиб олиш, шартнома мувофиқ инвестор брокерга воситачилиги учун 
3% миқдорида ҳақ тўлаб берилади. Шартномадаги ушбу хўжалик операциялари-
га бухгалтерия ўтказмаси берилади [3].:
1) 
Брокерга пул ўтказиб берилганда (10 000 дона акция * 2400 сўм акция-
нинг номинал қиймати)
Дт 4890 “Бошқа дебиторлар қарзлари” 
Кт 5110 “Ҳисоб-китоб счёти” 24 000 000 сўм
2) 
Брокерга воситачилик ҳақи тўланганда (шартнома суммаси * 3%)
Дт 4890 “Бошқа дебиторлар қарзлари” 
Кт 5110 “Ҳисоб-китоб счёти” 720 000 сўм
3) 
Инвесторнинг банк билан тузилган шартномасига биноан банкка кўр-
сатилган хизматлари учун пул маблағлари тўлаб бериши керак. Банкларнинг ўз 
сиёсатидан келиб чиққан ҳолда турли фоиз ставкаси белгилаши мумкин. Одат-
да банклар мижозларидан кўрсатилган хизматлари учун 0,5%дан 1%гача хизмат 
ҳақи ундириб олинади. Бизнинг мисолимизда 1% деб олсак, банк кўрсатган хиз-
мати учун жами 247 200 сўм миқдорида пул маблағи тўлаб берилади. 21-сонли 
БҲМСга мувофиқ банк хизматлири бошқа операцион харажатлари 9430 счёти-
га олиб борилиши лозим, бироқ 12-сонли БҲМСга мувофиқ қимматли қоғоз-
ларга қилинган инвестицияларни ҳисобга олиш тартибга кўра, банкка тўланган 
хизмат ҳақи қимматли қоғозларнинг сотиб олиш қийматига қўшилади.
Дт 4890 “Бошқа дебиторлар қарзлари” 

---

98
Кт 5110 “Ҳисоб-китоб счёти” 247 200 сўм
4) 
Брокердан қимматли қоғозларга эгалик ҳуқуқи инвесторга ўтганлиги 
тўғрисидаги ҳужжатлар берилганда (бугунги кунда акциядорлик жамиятлар 
реал акция кўринишида қимматли қоғозларни чиқармаяпти, фақат ҳужжатсиз 
акциялар кўринишида чиқарилмоқда), инвестор томонидан амалга оширил-
ган хўжалик операциялардан келиб чиққан ҳолда, қимматли қоғозларни кирим 
қилиши лозим. Инвестор сотиб олинган акцияларнинг кейинчалик бозордаги 
қиймати ўзгариши билан сотиш мақсадида сотиб олинган бўлса, у ҳолда уларни 
қисқа муддатли инвестициялар шаклида ҳисобга олиши керак. Агар инвестор 
бу акциялардан дивиденд кўринишда даромад олиш мақсадида сотиб олинган 
бўлса, у ҳолда бу қимматли қоғозларни узоқ муддатли инвестициялар сифатида 
ҳисобга олиши лозим.
Дт 0610 “Қимматли қоғозлар” счёти 
Кт 4890 “Бошқа дебиторлар қарзлари” 24 967 200 сўм
0610 “Қимматли қоғозлар” счётида акс эттирилган 10 000 дона акциялар-
нинг ҳар бир донаси қиймати 2 496,72 сўмдан ҳисобга олинганини кўриш мум-
кин.
Амалдаги қонунчиликка мувофиқ «Toshkent shahar dori-darmon» акция-
дорлик жамияти оралиқ ёки йил якуни бўйича дивиденд тўлаши ҳақида акци-
ядорларнинг умумий қарори қабул қилинди. Ҳар бир дона оддий акциянинг 
номинал қийматидан белгиланган фоиз ставкасида ёки аниқ суммани эълон қи-
лиши мумкин. Масалан, «Toshkent shahar dori-darmon» акциядорлик жамияти 
йил якуни бўйича ҳар бир дона оддий акцияга 1200 сўмдан дивиденд эълон қил-
ди. Инвесторнинг бухгалтери акциядорлик жамиятнинг қарорини олгач, акция-
дорларнинг умумий йиғилиш ўтказилган санада тегишли бухгалтерия ўтказмаси 
берилади (10 000 дона оддий акция * акция бўйича эълон қилинган сумма 1200 
сўм).
Дт 4840 “Олинадиган дивидендлар” счёти
Кт 9520 “Дивиденд кўринишдаги даромадлар” счёти 12 000 000 сўм
Ўзбекистон Республикасининг Солиқ кодексига биноан дивиденд кўри-
нишда олинган даромад фойда солиғи ёки бошқа солиққа тортилмайди, чунки 
дивиденд эълон қилинган манбадан дивиденд солиғи ушлаб қолинади ва бюд-
жетга тўлаб берилади.
Қарз қимматли қоғозларни – корпоратив облигацияни сотиб олиш бўйича 
шартнома имзолади. Облигациянинг номинал баҳоси, унинг муомалада бўлиш 
муддати, белгиланган фоиз ставкаси, фоизларни тўлашнинг даврийлиги кўрса-
тилган бўлиши лозим.