2021, Maxsus son “pedagogik mahorat” ilmiy-nazariy va metodik jurnal issn 2181-6883

Ключевые слова: инновация, образования, технология, техника, дидактика, профессиональная 
деятельность. 
This article highlights the work of the training module innovative educational technologies to increase 
the awareness of teaching staff about the organizational, technical and didactic capabilities of modern 
innovative educational technologies and their effective use in professional activities. 
Keywords: innovation, education, technology, technology, didactics, professional activity. 
 
Kirish.
Mustaqillik yillari tom ma’noda Oʻzbekiston Respublikasi ijtimoiy-iqtisodiy va madaniy 
taraqqiyoti istiqbolini belgilash, jahon hamjamiyati mamlakatlari safidan munosib oʻrin egallashga intilish 
yoʻlidagi keng koʻlamli islohotlarni amalga oshirish bilan kechmoqda. Jahonning rivojlangan mamlakatlari 
tajribalarini oʻrganish, mahalliy shart-sharoit, iqtisodiy va intellektual resurslarni inobatga olgan holda jamiyat 
hayotining barcha sohalarida tub islohotlarning amalga oshirilayotganligi yangidan-yangi yutuqlarga 
erishishni ta’minlamoqda. Turli sohalarda yoʻlga qoʻyilayotgan xalqaro hamkorlik garchi oʻz samarasini 
berayotgan boʻlsa-da, biroq, milliy mustaqillikni har jihatdan mustahkamlash, erishilgan yutuqlarni boyitish, 
mavjud kamchiliklarni tezkor bartaraf etish jamiyat a’zolaridan alohida fidokorlik, jonbozlik, shijoat va 
qat’iyat koʻrsatishni talab etmoqda. 
Asosiy qism.
“Innovatsion ta’lim texnologiyalari” oʻquv modulining oʻqitilayotganligi pedagog 
kadrlarni zamonaviy innovatsion ta’lim texnologiyalarining tashkiliy, texnik va didaktik imkoniyatlaridan 
xabardor boʻlishlari uchun sharoit yaratib, kasbiy faoliyatda ulardan samarali foydalanish borasidagi 
malakalarining mustahkamlanishini ham ta’minlaydi. Ayni vaqtda “Innovatsion ta’lim texnologiyalar” oʻquv 
moduli oliy ta’lim pedagoglarini qayta tayyorlash va ularning malakasini oshirish kurslarida tinglovchilar 
tomonidan oʻzlashtirilayotgan kasbiy bilim, koʻnikma, malaka va kompetentlik sifatlarini yanada 
rivojlantirish, keng koʻlamli ilmiy-tadqiqotlarni olib borish, kuchli raqobat mavjud boʻlgan mehnat bozorida 
oʻz oʻrinlarini saqlab qolishlariga yordam beradi. 
Trening – (ingliz tilidan –oʻqitmoq, tarbiyalamoq) interfaol mashg’ulotlarni amalga oshirishning asosiy 
shakli boʻlib, u oʻrganilishi lozim boʻlgan nazariy g’oya va fikrlarni amaliy ish, mashqlar davomida 
oʻzlashtirish, muloqot almashish imkonini beruvchi tashkiliy tadbir hisoblanadi. Trening - bu nafaqat ta’lim 
oluvchilarda shaxslararo oʻzaro hamkorlikning samarali koʻnikmasini shakllantirishga, balki mutaxassis 
kasbiy kompetentligining umumiy darajasini oshirishga yoʻnaltiriladi. Trening mobaynida oʻqituvchilar 
nazariy ma’lumotlarni oʻzlashtirish bilan birga, ularda bilish, emostional va xulq-atvor koʻnikmalari rivojlanib 
boradi. Treninglar oʻrganilishi lozim boʻlgan nazariy g’oya va fikrlarni amaliy ish hamda mashqlar davomida 
oʻzlashtirish imkoniyatini beradi va qatnashchilardagi oʻzaro hamkorlikni, samarali muloqot koʻnikmasini 
shakllantirishga yoʻnaltiriladi.