2021 йил «29» декабрь 169-8-113-Q/21

e-qaror.gov.uz
14.09.2022
19
uzrsiz sabablarga koʻra ekin maydonlaridan foydalanmayotgan tomorqa yer
egalariga nisbatan jamoatchilik ta’siri choralarini koʻrish yuzasidan fuqarolar
yigʻini kengashiga takliflar kiritadi;
mahalladagi tadbirkorlarning tadbirkorlik faoliyatini amalga oshirishga
toʻsiq boʻlayotgan muammolar va murojaatlarini (muhandislik-kommunikatsiya
tizimlariga ulanish va ulardan foydalanish, turli xil faoliyatni yoʻlga qoʻyish uchun
ruxsatnomalar va litsenziyalar olish, boʻsh bino va yer maydonlarini tadbirkorlik
uchun ajratish va boshqalar) tegishli tashkilotlar tomonidan hal etilishiga
koʻmaklashish orqali ularning faoliyatini kengaytirish choralarini koʻradi;
mahalladagi oilalarning moddiy-ijtimoiy ahvoli toʻgʻrisidagi zarur boʻlgan
ma’lumotlarni “Ijtimoiy himoya yagona reestri” axborot tizimiga kiritib boradi;
muhandislik-kommunikatsiya infratuzilmasi (ichimlik suv, elektr energiya,
gaz, issiqlik va kanalizatsiya ta’minoti) holatini monitoring qiladi;
aholiga va tadbirkorlarga energiya tejaydigan zamonaviy texnologiyalarni
joriy qilish boʻyicha targʻibot ishlarini amalga oshiradi;
mutasaddi idoralar bilan hamkorlikda mahalladagi yoʻllar holatini yaxshilash
choralarini koʻradi;
mahallada tadbirkorlikni rivojlantirish, aholi bandligini ta’minlash va
kambagʻallikni qisqartirish masalalariga oid boshqa vazifalarni vakolati doirasida
amalga oshiradi;
har oyda amalga oshirilgan ishlar natijadorligi yuzasidan tuman hokimining
moliya-iqtisodiyot va kambagʻallikni qisqartirish masalalari boʻyicha birinchi
oʻrinbosari bilan birgalikda tuman hokimiga hisobot berib boradi.
Bajarilishi oʻz vakolatidan yuqori boʻlgan masalalarni Markazning tegishli
boʻlimi orqali xal qilish choralarini koʻradi.
2-§. Hokim yordamchisining huquqi va majburiyatlari
20. Hokim yordamchisi oʻziga yuklangan vazifalarni amalga oshirish uchun
quyidagi huquqlarga ega:
oʻz vakolatiga kiradigan masalalarni hal qilish uchun tuman hokimligining
tarkibiy boʻlinmalari, mahalla fuqarolar yigʻini, davlat hamda nodavlat
tashkilotlaridan ma’lumotni qoida tariqasida Markaz orqali, operativlikni talab
etadigan holatlarda toʻgʻridan-toʻgʻri soʻrash va olish;

---