2020 jil mazmuni: kirisiw I- bap. O’zbekistan respublikasi turizmi haqqinda

JUWMAQLAW
Onlap jil dawaminda turizm dunyanin’ en’ rawajlanip atirg’an tarmaqlardin’ birine aylaniwi ushin turaqli o’siw basinan o’tkizdi. Zamanago’y turizm rawajlaniwi menen ko’plegen jan’a jo’nelisler payda bola basladi. Usi dinamika turizmnin’ social-ekonomikaliq rawajlandiriwdin’ tiykarina aylandi.
Ha’zirgi ku’nde turizmnin’ bizness ko’lemi neft ekporti, aziq-awqat o’nimleri yamasa avtomobil exportina ten’ yamasa odan ko’birek. Turizm xaliqara biznessdin’ tiykarg’I tarawlarinin’ birine aylandi ha’m ha’zirgi ku’nde ko’plegen rawajlang’an ma’mleketler ushin tiykarg’I da’ramat keltiriwshi taraw bolip xizmet etpekte.
Rawajlang’an ha’m endi rawajlanip atirg’an ma’mleketlerde turizmnin’ global tu’rde tarqaliwi qurilis tarawinda, awil xojalig’I yamasa telekommunikaciya tarawlarinda ekonomika ha’m ba’ntlik ushin payda keltirdi.
Qaraqalpaqstan Respublikasi aymag’i tariyxiy estelikler ha’m suliw ta’biyati menen barliq sayaxatshilardi ta’n qaldirip kelmekte. Bulardan tariyxiy ham arxeologiyaliq estelikler, ziyarat orinlari, I.Savetskiy atindag’I ko’rkem o’ner muzey siyaqli orinlardin’ ati pu’tkin dunya ju’zine jayilg’an.
Qaraqalpaqstan aymag’i a’jayip, suliw ta’biyatqa iye, bizler ko’rip guwasi bolmag’an jerler ele ko’p, sonliqtan biz jas, qizig’iwshilig’I joqari bolg’an studentler jaslardi Qaraqalpaqstan aymag’I boylap bo’lip, kishi tu’rdegi ekskursiya a’melge asirip, birinshi tu’rde o’zimiz jasap atirg’an Qaraqalpaqstan Respublikasin u’renip shiqsaq turizm keleshegi ushinda jaqsi bolar edi dep oylayman. Menimshe ele heshkim guwasi bolmag’an jerler ko’p bolsa kerek dep oylayman. Sol siyaqli taza dem aliw orinlarin ashiw ha’m jan’asha tu’rdegi infrastrukturalari milliyligimizdi su’wretlegen halda quriw, ja’nede ko’birek payda keltiriwi mu’mkin. Bunin’ ushin reklamalardan paydalaniw yamasa Qaraqalpqastan haqqindag’I zamanago’y qisqa video rollikler tayarlaw, YouTube sociyalliq tarmag’inan arnawli kanallardi ashiw ha’m qiziqli ha’r qiyli, ma’mleketimiz haqqindag’I videolardi saliw bul ha’mmege ten’dey jag’iwi mu’mkin ha’m ma’mleketimizdin’ suliw jerleri, ta’biyati tu’sirilgen su’retler jiyindisin islew siyaqli jumislar ha’zirgi texnologiya a’sirinde turizmdirawajlandiriw ushin payda keltiredi dep oylayman.
Biz bilemiz ha’zirgi zamanag’oylesken zamanda insanlardi qiziqtiriwshi na’rse bul jan’aliq esaplanadi. Sonliqtan ilaji barinsha o’zimizdegi bar bolg’an, ha’zirgi ku’nge shekem saqlanip kelip atrig’an zatalrdan paydalaniw bul barliq insanda qizig’iwshiliq oyatadi dep oylayman. Misali, ha’zirgi ku’nde insanlardi qiziqtiriwshi na’rse bul; kiyimler, jan’a tu’rdegi ima’ratlar, ma’deniyat, u’rip-a’det h.t.b. Bir kiyimdi alsaq, bizlerin’ milliy kiyimlerimiz dunyani lal qaldirg’an biraq nege bizlerde ulken tu’rdegi xaliqaraliq FASHION kiyim ko’rgizbeleri o’tkerilmeydi, yamasa olardi satiw siyaqli islerdi a’mlege asirilmaydi?
Rawajlaniwdi a’melge asiriw ushin bizlerde ta’jriybe kem boliwi mu’kin sonliqtan, ta’jriybe asiriw maqsetinde EXCHANGE programasin islep shigiw, yag’niy bunda ta’jriybesin asiriwdi qa’legen insam usi programma arqali o’z ta’jriybesin basqa ma’mlekettegi miymanxana yamasa turistlik orninda a’meliyat jumisin alip barsa, jaqsi ta’sir beriwi mu’mkin. Sebebi bizler ko’z qarasimizdi o’zgertpesek ha’mme zat ilajsiz bolip ko’riniwi mu’mkin, biraq ha’zir ku’tip otiratin zaman emes ha’mme zatti basinan baslap u’yrenip, qatti ha’reket etsek ha’mme zattin ilaji boladi dep oylayman. Tek bunin’ ushin ha’r qiyli ilajlar jaratiliw kerek, sonda g’ana insanda qizig’iwshiliq ju’zge keledi dep oylayman.