2020 йил 15 январь куни Ўзбекистон Республикаси Президентининг суд

---

Казус
2020 йил 15 январь куни Ўзбекистон Республикаси Президентининг суд-
ҳуқуқ тизимини ислоҳ қилишга қаратилган фармони лойиҳасини тайёрлаш 
мақсадида Ўзбекистон Республикаси Вазирлар Маҳкамаси томонидан ишчи 
гуруҳи тузилди.
Ишчи гуруҳ таркибига Ўзбекистон Республикаси Президенти 
Администрацияси, Олий Мажлис Сенати аъзолари, маҳаллий ҳокимият 
органлари вакиллари, шунингдек судьялар киритилди.
Фармон лойиҳасини тайёрлашдан олдин жойлардаги муаммоларни 
ўрганиш, тегишли маълумотлар тайёрлаш керак бўлиб, бу салмоқли вақт талаб 
қилар эди.
Ишчи гуруҳ таркибидаги судьялар Ўзбекистон Республикаси Судьялар 
олий кенгашига уларни ишчи гуруҳдан чиқартириб ташлашни сўраб мурожаат 
қилдилар. Улар бунга судьяларни бундай ишчи гуруҳларга киритиш давлат 
ҳокимияти бўлиниши принципига мувофиқ эмаслиги, судьялар фақатгина 
одил судловни амалга ошириш билан шуғулланишлари кераклигини асос 
қилиб келтирдилар.
Казус билан боғлиқ қуйидаги саволларга жавоб беринг.
1. Суд ҳокимиятининг давлат ҳокимияти тизимидаги ўрни нимадан иборат?
2. Ҳокимиятлар бўлиниши принципининг моҳияти нимадан иборат ва унинг 
юқоридаги вазиятга нисбатан татбиқи қандай бўлиши керак?
3. Судьяларни бошқа ҳокимият тармоқлари томонидан ишчи гуруҳ таркибига 
киритиш орқали уларни турли вазифаларни баржаришга жалб этиш қонунга 
мувофиқми? Ҳуқуқий жиҳатдан асосланг.
4. Ўзбекистон Республикаси Судьялар олий кенгаши юқоридаги вазиятда 
қандай чора кўриши мумкин? Ҳуқуқий жиҳатдан асосланг.
5. Суд ҳокимияти мустақиллигини таъминлашнинг конституциявий-ҳуқуқий 
асослари нимадан иборат?