V- SEMESTER MA`RUZA MAVZULARI:
6-MA’RUZA. FE’L. FE’LNING LEKSIK-GRAMMATIK XUSUSIYATLARI (MORFOLOGIK BELGILARI, SINTAKTIK VAZIFALARI). BO’LISHLI VA BO’LISHSIZ FE’LLAR, BO‘LISHSIZLIK MA’NOSINING IFODALANISHI. 2 soat
Reja:
Fe’l so’z turkumi haqida umumiy ma’lumot.
O‘timli va o‘timsiz fe’llar.
Fe’l shakllarining garammatik kategoriyaga munosabati.
Bo‘lishli va bo‘lishsizlik kategoriyasi.
Harakat tushunchasini anglatuvchi so‘zlar fe’l deyiladi. Harakat ma’nosi juda keng tushuncha bo‘lib, o‘ylamoq, xayol surmoq fikrlamoq singar tafakkur, yugurmoq, sakramoq., ishlamoq kabi jismoniy faoliyat, so‘zlamoq, demoq, aytmoq kabi nutq, uxlamoq, mudramoq, kutmoq , kulmoq kabi holat, qurmoq, chizmoq, yasamoq, yaratmoq kabi natijali faoliyat bilan bog‘liq ma’noviy guruhlarga mansub fe’llarni o‘z ichiga oladi. Fe’llar bir umumiy so‘roqqa-nima qilmoq? so‘ro-g‘iga javob bo‘ladi. Fe’llar leksik-grammatik xususiyatlariga ko‘ra ham ikki guruhga bo‘linadi: 1) mustaqil fe’llar; 2) yordam-chi fe’llar.
Do'stlaringiz bilan baham: |