2019 O‘qish oxi

Baxilning  yomonligi
(Rivoyat)
Bir  mahallada  saxiy  va  badavlat  odam  ya-
shar  ekan.  U  doim  odamlarga  yaxshilik  qilar
va  ularni  tez-tez  uyiga  mehmonga  chaqirib
turar  ekan.  Mahalla  ahli  uning  hurmatini  joyiga
qo‘yar  ekan.  Lekin  shu  mahallada  bir  baxil
kishi  o‘sha  odamni  yomon  ko‘rar  ekan.  Or-
qasidan  ig‘vo  qilib,  paytini  topsa,  unga  ziyon
yetkazar  ekan.  Haligi  saxiy  odam  qachon
ziyofat  bersa,  o‘sha  baxilni  ham  chaqirar  va
izzat-ikrom  qilar  ekan.  Haligi  odam  ziyofatga
kelib,  saxiyning  osh-nonini  yeb,  tashqariga  chiqib,
yana  uni  yomonlar  ekan.  Mahalla  ahli  uning
bu  ishidan  hayron  bo‘lar  ekan.
Bir  kuni  shu  mahalladagi  odam  saxiydan
so‘rabdi:
–  Siz  falonchining  sizga  dushman  ekanligini
bilmaysizmi?  Nega  uni  uyingizga  chaqirib  meh-
mon  qilasiz?
– Bilaman,  lekin  qo‘shnichilik  hurmatidan  cha-
qiraman.  Bir  kun  insofga  kelib  qolar  deb  umid
http://eduportal.uz

---

125
qilaman.  Qolaversa,  uning  gaplarini  eshitib,
yana  nimani  rejalashtirayotganini  bilib  olaman,  –
debdi.
Ey  farzand,  dushman  kichkina,  qo‘lidan  nima
ham  keladi,  deb  g‘aflatda  qolma.  Uning  niya-
tidan  doim  xabardor  bo‘lib  tur.
1.  Rivoyatdan  qanday  xulosa  chiqardingiz?
2.  Saxiy  va  baxil  odamga  munosabat  bildiring.
Baxil,  bo‘lmaydi  ahil.