2019 O‘qish oxi

Oq  tumshuq  jasorati
Hamidulla  Murodov
(Hikoya)
1
Yozning  o‘rtalari.  Havo  dim.  Yo‘l  yurib  char-
chagan  Azamat  o‘tovga  kirib,  o‘rtaga  tashlan-
gan  ko‘rpachaga  cho‘zildi:  „Birozgina  mizg‘ib
olsam“.  Ko‘zi  ilingan  ekan,  o‘tov  yonidagi
soyada  yotgan  Oq  tumshuqning  vovullashidan
sergaklanib  ko‘zini  ochdi.  Erinibgina  yon-atrofni
kuzatdi  –  hech  narsa  ko‘rinmadi.  „Oq  tum-
shuq  hurib,  uyqumni  ham  beliga  tepdi-da“,
deb  itdan  o‘pkalandi  ham.  Keyin  iltijoli  ohang-
da  „Jim  bo‘l,  jim,  Oq  tumshuqjon!“  –  dedi.
Bechora  it  Azamat  yotgan  o‘tovdan  biroz
naridagi  supacha  soyasiga  borib  yotdi.
Lekin  ko‘p  yotolmadi,  yana  ortiga  qaytdi,
qattiq-qattiq  irilladi.  Azamat  yana  itni  jerkib
tashladi.

---

191
–  Irillamay  nari  bor,  charchaganman,  biroz
dam  olay,  nari  bor!  Bor!  Bor!..
Oq  tumshuq  nari  ketishga  ketdi-yu,  ko‘p
o‘tmay  yana  qaytdi.  Qaytdi-yu,  kela  solib  endi
o‘tovning  o‘zi  boya  etigini  yechib  qo‘ygan
joyiga  uzala  tushib  yotib  oldi.
–  Voy,  ahmoq  it,  nari  haydagan  sari  o‘zim
tomon  yaqinlashadi-ya...
U  yana  noiloj  o‘rnidan  turdi.  Itni  o‘zidan
nariga  haydashga  tutindi.  Keyin  oyog‘iga  biron
narsa  kiyib  olish  maqsadida  o‘tov  eshigi  to-
mon  yurdi.  It  ketmadi,  qaytanga  Azamat  itni
haydashga  tushsa,  yonida  bo‘lishga  intilardi.
Azamat  yechgan  etigini  kiymoqchi  bo‘lib
etikka  qo‘l  cho‘zdi.  Oq  tumshuq  bo‘lsa,  undan

---

192
oldin  etikka  chang  solib,  joyidan  ancha  nariga
otib  yubordi.  Otilgan  etik  ancha  nariga  borib
tushdi.
Azamat  itning  qilig‘i  sirini  tushuna  olmadi,
aksincha  unga  buyruq  ohangida  gapirdi.
–  Oq  tumshuq,  bor  etigimni  olib  kel!  Tez!
Oq  tumshuq  bo‘l...
1.  Oq  tumshuq  nima  uchun  bezovta  bo‘ldi?
2.  Azamat  itga  qanday  munosabatda  bo‘ldi?
2
Oq  tumshuq  uning  gapini  anglaganday  etik
tomon  yurdi.  Oldiga  borganda  esa  bir  qattiq  iril-
ladi-da,  etikni  qo‘njidan  emas,  poshnasi  tomo-
nidan  tishlab  torta  boshladi.  Azamat  qandaydir
xavfni  anglaganday  bo‘ldi.  „Nahotki  etikda  bi-
ron  narsa  bo‘lsa?“
Nahotki  degan  o‘yda  u  qo‘liga  ukalari  o‘y-
nab  shu  joyda  qoldirishgan  o‘zining  cho‘ponlik
tayog‘ini  oldi.  Olishga  oldi,  birdan  ko‘zi  etik
og‘zidan  chiqib  turgan  boshga  tushdi:  „Ilon!
Ilonning  boshi!  Ilon...“  U  hammasini  tushundi.
Ilon  etik  ichiga  kirib  olgan  ekan.  Agar  Aza-
mat  etikni  olib  kiyganda  bormi,  hozir  nima
bo‘lishini  ko‘z  oldiga  keltirdi.  Darrov  qo‘lidagi
tayoq  bilan  etikda  ko‘ringan  ilon  boshiga  zar-
ba  berdi.  Zarba  qattiq  bo‘lmadi  chog‘i,  ilon
etikdan  chiqib  ketish  uchun  bemalol  o‘rmalay
boshladi.  Bu  shu  joylarda  ahyon-ahyonda  uch-

---

193
rab  turadigan  zaharli  qora  ilon  edi.  Azamat
bu  gal  urishda  naqd  boshini  mo‘ljallab  urdi.
Zarba  qattiq  bo‘ldi  shekilli,  ilon  darrov
g‘ujanak  bo‘lib  olib,  o‘zini  himoyalashga  urindi.
Zarbalarning  biri  tegib,  biri  tegmasdi.  Shunday
bo‘lsa  ham  u  ilonning  duch  kelgan  joyiga
urar,  ilon  bo‘lsa  jon  holatda  vishillar,  Aza-
matning  zarbalaridan  qochishga  intilardi.  Oq
tumshuq  bu  zarbalarning  biri  ilonga  tegib,
boshqasi  tegmay  qolayotganini  sezdimi,  yo
ilon  qochib  qolishni  rejalaganini  bilib  qoldimi,
bir  sapchib,  ilonning  bo‘ynidan  tishlab  oldi.  It
bir  necha  bor  bir  tishlagan  joyini  qayta-qayta
tishladi.  Oxirgi  tishlaganda  bir  siltadi-yu,
o‘zidan  biroz  nariga  otib  yubordi.  Ilon  borib
tushgan  joyida  ortiq  qimirlamadi.  U  o‘lgan  edi.
–  E,  Xudoyim-ey,  bir  asrabdi-da  meni,  –
dedi  Azamat  it  yoniga  kelgach,  uning  boshini
minnatdorlik  bilan  silab.  –  Seni  jerkib-jerkib
tashlaganim  uchun  kechir,  sen...  sen  mening
jonimni  asrab  qolmoqchi  ekansan-a,  Oq  tum-
shug‘im!  Vafodor  itim!..
1.  It  Azamatga  qanday  yordam  berdi?
2.  Itning  vafodorligini  qanday  baholaysiz?
3.
Siz  uyda  qanday  hayvonlar  parvarish
qilasiz?
13 – O‘qish  kitobi,  3- sinf

---

194