2019 O‘qish oxi

Tinchlik  ko‘chasi
Kavsar  Turdiyeva
Menda  sira  so‘lmas  gullar,
Qushlar  yayrar  chamanda.
Qizlar  esa  qo‘g‘irchog‘in
Ismin  qo‘yar  Samanta.
Tinchlik  –  hayot  poydevori,
U  orzu  qay  dillarda.
Shuning  uchun  takror-takror
Jaranglaydi  tillarda.
Ahillik  ko‘chasi
O‘rtamizdan  o‘tmas  qil,
Biz  ahilmiz,  ha,  ahil.
Bu  his  kundan  kun  oshar,
Bizda  har  kuni  hashar.
Bitmayaptimi  uying?
Boshlanyaptimi  to‘ying?
Darsdan  oldingmi  ikki?
Yo  boshqa  ishing  chakki?
Demak,  bil  shu  on,  shu  dam,
Yetib  keladi  yordam.
Barcha-barcha  ko‘chalar,

---

190
Urishganlar  nechalar.
Havas  bilan  qarashar,
Bizga  kelgach  yarashar.
1.  She’rlarni  ifodali  o‘qing.
2.  Tinchlik  va  ahillik  ko‘chasining  qaysi
xislatlarini  bilib  oldingiz?
She’rlarni  yod  oling.