2.’’ Ziyoviddin temir yo’l masofasi,, haqida ma’lumot Ziyoviddin temir yo’l vazifasi

Reja:

1.Kirish
2.’’ Ziyoviddin temir yo’l masofasi ,, haqida ma’lumot

3. Ziyoviddin temir yo’l vazifasi
4. ’’ Ziyoviddin temir yo’l masofasi ,, ning O’zbekiston Temir yo’llari Aksiyadorlik Jamiyatidagi o’rni
5.Foydalanilgan Adabiyotlar

“Ziyovuddin” stansiyasi faoliyatidan

Bugungi kunda mazkur stansiyada yuk ortib, tushirishdagi ishlar salmog‘i tobora ortib, belgilangan reja ortig‘i bilan bajarilmoqda. Stansiya uzoq yillardan buyon “Navoiy kon-metallurgiya kombinati” davlat korxonasi, “O‘zbekiston temir yo‘llari” aksiyadorlik jamiyati tasarrufidagi Yo‘l xo‘jaligi boshqarmasi, “Dorkomplektsnabplyus”, “Dorkomplektsnabservis” ochiq aksiyadorlik jamiyatlari bilan samarali hamkorlik qilib kelmoqda.
Shu kunga qadar stansiyadan shag‘al, kvars qumi, qazib olinayotgan turli xildagi maʼdanli toshlar belgilangan manzillarga muntazam jo‘natilmoqda. Birgina, shag‘al mahsuloti tizim tasarrufidagi Yo‘l xo‘jaligi boshqarmasining buyurtmasiga binoan yetkazib berilayotgan bo‘lsa, maʼdanli toshlar esa “Navoiy kon-metallurgiya kombinati” aksiyadorlik jamiyatiga qarashli “Qorapqo‘ton” konidan ortilib, ko‘rsatilgan manzilga yuborilmoqda. Shuningdek, qo‘shni Qozog‘iston Respublikasiga “Jamshidjon universal savdo” unitar korxonasi tomonidan ohak mahsuloti muntazam eksport qilinmoqda.
Stansiya boshlig‘i Sodiq Sattorovning aytishicha, stansiyadan nafaqat yurtimiz hududlariga, balki qo‘shni davlatlarga ham eksport yuklarining muntazam jo‘natilayotgani ishlar ko‘lamini kengaytirmoqda. Stansiyada mijozlar va ishchi-xodimlar uchun kerakli barcha shart-sharoitlar hamda qulayliklar yaratilib berilgan.
Stansiyada yuk ortib, tushirishga oid hujjatlashtirish ishlari “Yagona darcha” tizimi orqali rasmiylashtirilmoqda. Shuningdek, stansiyadan ortilayotgan yuklar qisqa fursat ichida belgilangan manzilga yetkazib berilayotgani esa mijozlar ishonchini ortishiga sabab bo‘layapti. Buning evaziga stansiyada o‘tgan yilga nisbatan yuk ortib, tushirishdagi ko‘rsatkichlar tobora o‘sib, belgilangan rejaning ortig‘i bilan bajarilishiga erishilmoqda. Buni raqamlar misolida ko‘radigan bo‘lsak, joriy yilning 10 oyi davomida stansiyadan 12 ming 748 ta vagonda, 808 ming 375 tonna yuk ortilib, belgilangan manzilga yetkazib berilgan. Bu o‘tgan 2020 yilga nisbatan qiyoslaganda, 2 ming 476 ta vagonda, 155 ming 580 tonna ko‘p yuk ortildi degani. Shuningdek, bu davr mobaynida stansiyada 679 ta vagondan barcha turdagi yuklar tushirildi. Bu ham o‘tgan 2020 yilning shu davriga nisbatan 64 ta vagonda ko‘p yuk tushirilganini ko‘rish mumkin. Jumladan, qo‘shni davlatlariga ham 55 ta vagonda, 3 ming 651 tonna eksport yuklari jo‘natildi. Bu ham 2020 yilga nisbatan 5 ta vagonda, 68 tonna ko‘p eksport yuklari yetkazib berildi.
Bir so‘z bilan aytganda, “Ziyovuddin” stansiyasi faoliyati maqtovga loyiq. Lekin bu yutuqlar o‘z-o‘zidan bo‘layotgani yo‘q, albatta. Maʼlumki, shu kecha-kunduzda transport kommunikatsiyasi tobora rivojlangan ayni bir pallada ko‘pgina mijozlar konteyner va og‘ir yuk tashuvchi furalarda eksport hamda import mahsulotlarini manziliga yetkazishni afzal ko‘rmoqda. Shunday bo‘lishiga qaramay, targ‘ibot, tinimsiz izlanish hamda shirinsuxanlik bilan mijozlar ishonchini oqlab kelayotgan stansiya jamoasining bundan keyingi ishlariga muvaffaqiyat tilab qolamiz.