2 Ўзбекистон республикаси

 
Рабаткалар 
– бу тўғри бурчакли узун майдончадир. Эни 0,5 – 3 м бўлади. 
Экинлар тури ва безатилишига кўра работкалар клумбаларга ўхшайди. 

---

18 
 
 
 
5-амалий машғулот 
МАВЗУ: ПАРТЕР БАРПО ЭТИШ 
 
Топшириқ:
Партер барпо этиш услубини танланг ва лойиҳасини чизинг. 
Партер лойиҳасида газон, гулзорлар, буталар, тошлар, фаввора ёки кичик 
хайкал жойлаштирилиши шарт. Партер услубига ва ранглар композициясига 
таъриф беринг. 
Топшириқни бажариш тартиби. 
Партерлар
 
парк ва жамоат 
биноларининг олдида дабдабали кўриниш ҳосил қилиш учун барпо этиладиган 
йирик гулзорлардир. Партерлар – гул ва газондан ёки фақат гуллар билан 
қопланган ҳолда барпо этилиши мумкин. Партерларда гуллардан ташқари 
шарсимон ва пирамидасимон игнабаргли ва доим яшил япроқ баргли буталар 
ишлатилиши мумкин. Безак сифатида сув иншоатлари, фаввора, турли 
шаклдаги хайкалчалар ишлатилиши мумкин. Партер регуляр ва пейзаж усулида 
ҳам барпо этилиши мумкин. Баъзан партерлар аралаш ҳолда барпо этилади. 
Худуднинг катта қисми (60-80%) газон билан қопланади ва 15-20% қисмига гул 
экилади. 
а) 
б) 
6-расм. Пейзаж (а) ва регуляр (б) услубидаги партерлар 
 
Гулзор тасвирини майдонга ўтказиш учун қозиқлар, белкурак керак 
бўлади. Дастлаб ип ёрдамида чегаралар белгиланади, унинг маркази ва 
бурчакларига қозиқлар ўрнатилади. Тасвирнинг асосий ўқлари белкурак ёки 
қозиқ ёрдамида чизилади, мураккаб тасвир эса трафарет ёрдамида чизилади (2-
3 см чуқурликда ариқчалар чизилади). Агар тасвир чизилгандан кейин гуллар 

---

19 
шу заҳоти экилмайдиган бўлса ариқчалар бўр ёки ғишт кукуни ёрдамида 
белгилаб қўйилади. 
Ўсимликни экишда ҳар бир тур учун белгиланган оралиқ масофаларга 
амал қилиш керак. Кўчатларни бир текис экиш учун ип тортилади ва кўчатлар 
шахмат тартибида жойлаштирилади. Экиш сўнгида кўчатлар суғорилади.