2-variant. Konsentrlar bo‘yicha nomerlashga o‘rgatish metodi. Sinfdan tashqari ishlarni tashkil qilish. Matematika fanidan soatlik dars uchun texnologik xarita yozing soatlik dars taxlili keltiring Matematika fanidan tadbir senariysi yozing Konsentrlar

Fan nomi: Matematika

1-dars

Darsning texnologik xaritasi

Mavzu: Ikki xonali sonlarni xonadan o‘tib qo‘shish. Mavzuga oid tayanch tushunchalar: Ikki xonali sonlarni xonadan o‘tib qo‘shish, boiaklab va ustun shaklida qo‘shish usullari.

Soatlar soni: 1 soat.

Mavzuning qisqacha mazmuni: Ikki xonali sonlarni xonadan o‘tib qo‘shishning ikki usuli - boiaklab va ustun shaklida qo‘shish usullarini takrorlash, unga doir misol va masalalarni, kesmaga doir mashqni yechish.

O‘quv jarayonini amalga oshirish texnologiyasi

Metod: Suhbat, kartochkalar bilan ishlash, mustaqil ish. Shakl: Guruh bilan ishlash.

Jihoz: Darslik, tarqatma materiallar, mavzuga doir plakatlar. Nazorat: Og‘zaki so‘rov, doskada va mustaqil ravishda misol, masalalarni yechish.

Baholash: Doskada yoki mustaqil ravishda misol, masalalarni yechishlariga qarab o‘quvchilar baholanadi.

Darsning maqsadlari
Ta’limiy: O‘quvchilarning ikki xonali sonlarni xonadan o‘tib qo‘shish bo‘yicha 2-sinfda olgan bilim, ko‘nikma va malakalarini, kesma haqidagi tushunchalarini mustahkamlash.

Tarbiyaviy: Misol va masalalarni yechish orqali ikki xonali sonlarni xonadan o‘tib qo‘shish bo‘yicha hayotiy ko‘nikmalarni shakllantirish.

Rivojlantiruvchi: Matematik boshqotirma ustida fikr-mulohaza yuritishga jalb qilish orqali mantiqiy fikrlash ko‘nikmalarini shakllantirish.

Kutilayotgan natijalar
Dars yakunida bo‘laklab va ustun shaklida qo‘shish usullaridan foydalanib ikki xonali sonlarni xonadan o‘tib qo‘shishni uddalay oladilar, kesma haqidagi tushunchalari mustahkamlanadi.