2. Transport vositalari guruhlari. Avtotransport korxonasining texnik – iqtisodiy ko’rsatkichlari

Avtomobil transport vositalarida yuk va yo’lovchi tashish to’g’risida asosiy tushunchalar va avtotransport korxonasining texnik – iqtisodiy ko’rsatkichlari.
Reja:

1. 
   Avtomobillarda yuk va yo’lovchilar tashish asoslari.
   

2. Transport vositalari guruhlari.
3. Avtotransport korxonasining texnik – iqtisodiy
ko’rsatkichlari.
1. Avtomobillarda yuk va yo’lovchilar tashish asoslari.

Yo’lovchi tashuvchi transportlarning o’sish darajasini belgilashda ularni texnik-iqtisodiy ko’rsatkichlarini e`tiborga olibgina qolmay, balki masalaning ijtimoiy tomonlariga ham katta e`tibor berish lozim. Yo’lovchilar tashuvchi transpotlarning muhim vazifasi – kishilarning o’zaro aloqasini kengaytirish, tajriba almashish, ularning madaniy saviyasini oshirishga xizmat qilishdan iborat bo’lishi kerak. Qishloq aholilarini shaharlar bilan birlashtiruvchi yo’lovchi transporti ishini keng yo’lga qo’yish shahar bilan qishloq o’rtasidagi muhim tafovutlarni kamaytirishning katta omili hisoblanadi.

Yo’lovchilar transportining asosiy vazifalaridan biri, kishilarni o’z vaqtida ish joyiga va ishdan uylariga eltib quyish, ish kuni davomida ishchi va xizmatchilarni korxonalar o’rtasida tashishdan iboratdir. Bundan tashqari, yo’lovchilar transporti aholining bevosita ishlab chiqarish bilan bog’liq bo’lmagan ko’pdan-ko’p yumushlarini bajarishlarida, ularni dam olish uylari va sanatoriyalarga qisqa muddatichida eltib qo’yishda katta ahamiyatga egadir. So’nggi yillarda turli transport vositalari yordamida mamlakatimiz bo’ylab va chet el davlatlariga sayohat qilish va tijorat ishlarini bajarish odamlar orasida keng tarqaldi.
Xalqaro aloqalarni, jumladan tovar almashtirishni kengaytirish va uni mustahkamlash ishida ham transportning roli katta. Xalqaro savdo, sayyohlik va boshqa aloqalarning rivojlanishi, fan va texnika, madaniyat hamda sport sohalaridagi munosabatlarning yuksalishi TV va aloqa yo’llarining rivojlanganligiga ko’p jihatdan bog’liqdir.
Bulardan tashqari aholini sanoat va oziq ovqat mollari bilan o’z vaqtida ta`minlash transportning asosiy vazifalaridan biridir.
Avtomobil transportining yuqorida keltirilgan vazifalaridan kelib chiqqan holda TV dan foydalanish yo’nalishi bakalavrlarni tayyorlashda fanning maqsadi talabalarga xalq xo’jaligi soqalari va kishilarning ishlab chiqarishlari bilan bog’liq moddiy buyumlarni zarur joylarga belgilangan vaqtda va sifatli darajada etkazib berish hamda aholining yo’lovchilar tashish transportiga bo’lgan ehtiyojini muntazam qondirishni tashkil etish, transporti vositalaridan samarali fodalanish va ularni to’g’ri tanlash ko’nikmalrini o’rgatishdan iboratdir.