2-tema. Ónim sapasín bahalaw kórsetkishleri

Usíllardí tańlaw hám sapa kórsetkishlerin aníqlaw


1-sízílma. Ónim sapasí dárejesin bahalaw basqíshlarí
Basqíshlardíń mazmuní hám olardíń hár birinde orínlanatuǵín jumístíń kólemi ónim sapasín bahalawdan qoyínǵan maqsetke baylaníslí.
Bahalawdan maqset:
Kórip shíǵíw ushín sapaníń qaysí kórsetkishlerin tańlaw, qanday aníqlíqta olardíń qunín aníqlaw, buníń ushín qanday qurallardíń zárúrligi, bahalaw nátiyjelerin qanday formada sáwlelendiriw hám kórsetkishlerdi qalay qayta islew múmkinshiligin aníqlawdan ibarat.
Ónimniń ózgesheligi hám belgileri muǵdar hámde sapa tárepi boyínsha xarakteristikalaníwí múmkin. Sapa xarakteristikalarí - bular, mísalí, ónimniń zamanagóy moda baǵdarína, dizaynge, reńlerge sáykes keliwi hám basqalar bolíwí múmkin.
Ónimniń bir yamasa bir neshe belgileriniń muǵdarlí xarakteristikasína sapa kórsetkishi dep ataladí. Sapa kórsetkishlerin tańlaw – ónim sapasíníń quramína kiriwshi hám oníń sapa dárejesin bahalawǵa múmkinshilik beriwshi ónim belgileriniń muǵdarlí xarakteristikasíníń atlarín aníqlaw esaplanadí.
Sapa kórsetkishleriniń atlarín tańlawdí tiykarlap beriw tómendegilerdi esapqa alǵan halda ámelge asíríladí:

• 
  ónimnen paydalaníw shártleri hám qanday maqsette islep shíǵarílǵanlíǵí;
  
• 
  tutíníwshí talabíníń analizi;
  
• 
  ónim sapasín basqariw máseleleri;
  
• 
  xarakteristika berilip atírǵan belgilerdiń quramí hám dúzilisi;
  
• 
  sapa kórsetkishlerine salístírmalí qoyílǵan tiykarǵí talaplar.
  

Sapa kórsetkishleri

Xarakterlewshi belgilerine qaray

• 
  birlik
  
• 
  kompleks