2. Сувнинг сифат кўрсаткичлари Сув тозалашда кагулатся жарайони

ЦНИИ-2 туридаги тиндиргичнинг схемаси.
Бир хил миқдордаги миқдорловчиларга В.В. Хаванский миқдорловчиси мисол бўла олади (3.3а-расм). Бундай миқдорловчиларда бакдаги эритма юзида чўкмайдиган оқизоқ (поплавоқ) (1) бўлиб, оқизоққа алмаштириб қўйиладиган диафрагма орқали эгилувчан шланг (4) уланган, шлангнинг иккинчи учи бак тагида жойлашган эритма оқизувчи жўмракка (5) уланган. Бакдаги эритма кам ёки кўплигидан қатъий назар оқизоқ, ҳамма вақт эритма сатҳидан бир хил чуқурликда туради, бошқача қилиб айтганда шлангага тушаётган эритма миқдори ҳам ҳамма вақт бир хил бўлади. Шланг учидаги алмаштириб қўйиш мумкин бўлган шу диафрагманинг диаметрини ўзгартириш йўли билан керакли микдордаги коагулянт эритмасини юбориш мумкин. Шланг ичига ҳаво кириб қолганда шлангдан ҳавони чиқариб юбориш учун унга уланган найчанинг бир учи (3) эритма сатҳидан юқорида очиқда бўлади.

Сувни тиндиргичда коагулянт ҳамда оҳак эритмаси қўшиб тозалаш схемаси: 1 – тиндиргич; 2 – сув қиздиргич; 3 – оҳак аралаштиргич; 4- оҳак эритмасини юборувчи сўрғич; 5 – коагулянт эритмасини сақлайдиган бак; 6 – коагулянт эритмасини юборувчи дозатор; 7 –ҳаво чиқарувчи асбоб; 8 - электроконтактли манометр; 9 – сув сарфини кўрсатувчи асбоб; 10 – буғ сарфини кўрсатувчи асбоб (расходомер); 11–қиздиргичга тозаланадиган сув юбориш; 12 - қиздиргичга буғ юбориш; 13 –буғ юбориш қиздиргичдан буғни чиқариб юбориш; 14 –оҳак эритмасини аралаштиричга юбориш; 15 – коагулянт эритмасини бакка юбориш; 16 –оҳак эритмасини тиндиргичга юбориш; 17 –тиндиргичга коагулянт эритмасини юбориш; 18 – тозаланган сувни тиндиргичга юбориш; 19 – охак эритмаси сакланадиган бак; 20 – оҳак эритмасини аралаштирувчи сўрғич.