2 соат Талабалар сони

3.АСОСИЙ ВОСИТАЛАРНИ БАҲОЛАШ ТАРТИБИ

5-сон БҲМС (п.3) асосий воситаларни баҳолашда қўйидаги қиймат турларидан фойдаланишни кўзда тутади.

Бошланғич қиймат – бу асосий воситаларнинг ҳисоб қиймати бўлиб, ўз ичига сотиб олиш баҳоси, шунингдек ташиб келтириш, ўрнатиш, монтаж, ўргатиш, сафар, божхона харажатларини ва қўшилган қиймат солиғини олади. Асосий воситалар ушбу қиймати бўйича корхонада бутун хизмат муддати даврида ҳисобда туради.
Тикланган қиймат – бу асосий воситаларнинг қайта баҳолаш, кенгайтириш, реконструкция ва модернизация қилингандан кейинги қиймати. Бу қиймат вақтинчалик бўлиб, қўшимча қилинган харажатлар ва қайта баҳолаш натижаси асосий воситалар қийматига киритилгач бошланғич қиймат бўлиб қолаверади.
Қолдик қиймат – бу асосий воситаларнинг бошланғич қиймати ва жамланган эскириш суммаси ўртасидаги фарқи. Бу қийматни баланс қиймати ҳам деб атайдилар, чунки айнан шу қийматда асосий воситалар корхонанинг балансида акс эттирилади.
Сотиш қиймати – бу асосий воситаларнинг сотиш вақтида сотувчи ва сотиб олувчи ўртасида келишилган шартномавий қиймат.
4. АСОСИЙ ВОСИТАЛАР ҲИСОБИНИ ЮРИТИШГА МЎЛЖАЛЛАНГАН СЧЕТЛАР ТИЗИМИ

2002 йил 1 январдан жорий этилаётган счётлар режасида асосий воситалар ҳисобини юритиш учун актив бўлган № 0100 «Асосий воситалар ҳисоби счётлари» ва контрактив бўлган № 0200 «Асосий воситаларнинг эскириши ҳисоби счётлари» тизимлари кўзда тутилган. Ушбу тизимлар ўз ичига қўйидаги счётларни олади (6.2-жадвалга қаранг).

6.2-жадвал

Асосий воситалар ҳисоби учун мўлжалланган счетлар тизими

	Актив счетлар		Контрактив счетлар
0110	Ер	0211	Ерни ободонлаштиришнинг эскириши
0111	Ерни ободонлаштириш	0212	Лизинг бўйича олинган асосий воситаларни ободонлаштириш-нинг эскириши
0112	Лизинг бўйича олинган асосий воситаларни ободонлаштириш	0220	Бино, иншоатлар ва узатгич мосламаларнинг эскириши
0120	Бино, иншоатлар ва узатгич мосламалар	0230	Машина ва ускуналарнинг эскириши
0130	Машина ва ускуналар	0240	Мебел ва офис жиҳозларининг эскириши
0140	Мебел ва офис жиҳозлари	0250	Компьютер ускунаси ва ҳисоблаш техникасининг эскириши
0150	Компьютер ускунаси ва ҳисоблаш техникаси	0260	Транспорт воситаларининг эскириши
0160	Транспорт воситалари	0270	Ишчи ҳайвонларнинг эскириши
0170	Ишчи ва маҳсулдор ҳайвонлар	0280	Кўп йиллик ўсимликларнинг эскириши
0180	Кўп йиллик ўсимликлар	0290	Бошқа асосий воситаларнинг эскириши
0190	Бошқа асосий воситалар	0299	Узоқ муддатли ижара шартномаси бўйича олинган асосий воситаларнинг эскириши
0199	Консервациядаги асосий воситалар

Асосий воситаларнинг суммовий аналитик ҳисоби корреспонденцияланадиган счётлар бўйича 13-журнал-ордерда, соний- суммовий аналитик ҳисоби эса моддий жавобгар шахслар бўйича ҳар бир инвентар объектнинг коди (тартиб номери) бўйича карточкаларда ёки китобда (ОС-7 шакл «Асосий воситаларни ҳисобга олиш инвентар карточкаси», ОС-9 «Асосий воситаларнинг инвентар рўйхати») юритилади. Ушбу карточка ва китоблар асосий восита келиб тушганда очилади ва уларнинг бутун фойдали хизмат муддати даври давомида сақланади.

1.