2 soat I. Darsning maqsadi

Qurilish texnologiyasi

va uni tashkil etish kafedrasi

mudiri, dosent ___________ Kondratyev V. A..
Mavzu: ZARARLI MODDALARNING KONSENTRASIYASINI ANIQLASH
mavzusidagi № 3 laboratoriya ishi
P A S P O R T I

(2 soat)

I. Darsning maqsadi:

Ish zonasi va bino havosi tarkibidagi chang haqidagi tushunchalar bilan tanishish; Havodagi chang miqdorini aniqlash asbobidan foydalanishni o’rganish; Ish zonasida havodagi umumiy chang miqdorini aniqlash.

II. Kerakli qurilmalar, asbob va materiallar:

2.1. Havodagi chang miqdorini aniqlash asbobi;

2.2 Analitek tarozi;

2.3 Filtr uchun allonj;

2.4. AFA – VP –18. va AFA – V – 10 tipidagi filtr;

2.5. Barometr aneroid;

2.6. Termometr (psixrometr).

I I I. Ishning mazmuni:

Ish joylarida va xonalarda havoning changlanganligi to’g’risida umumiy ma’lumotlar bilan tanishish; Havoning changlanganligini aniqlovchi qurilmaning tuzilishi va ishlash prinsipini o’rganish; Havoning changlanganligini aniqlash qurilmasining sxemasini o’rganish; Havoning changlanganligini aniqlash maqsadi, topshirig’i va ishni bajarish tartibini labarotoriya jurnaliga qayd kilish; Ish joylarida va xonalarda havoning changlanganligi aniqlash usulini o’rganish; Ish joylarida va xonalarda havodagi chang konsentrasiyasini hisoblash; Ish to’g’risida xisobot yozish.

IV. Ishni bajarish tartibi:

Qurilmaning tuzilishi va ishlash prisipi bilan tanishish.

Qurilma aspirator, allanj (patron), aerozol filterlar, barometr-anoroid, simobli termometrlardan tashkil topgan. Aspirator ifloslangan changni maxsus filtr orqali so’rib olishga xizmat qiladi. Bu asbob 220 V elektr tarmog’idan ishga tushiriladi va minutiga qancha hajm ifloslangan havoni so’rib olayotganini ko’rsatib turadi.

Allonj (patron) filtrlarni tutib turishga xizmat qiladi. Allonj chang kamerasida joylashtirilib bir uchi rotometrga ulanadi.

Aerozol filterlar bu filtrlarning AFA-V-10, AFA-V-18 turlari keng tarqalgan bo’lib unda V xarfi so’rish uchun qo’llanilishini bildiradi. 10 va 18 sonlari filtr yuzasini ko’rsatadi. Bu filtrlarning materiali elektrostatik qobiliyatga ega bo’lib havodagi changni 90-95% gacha ushlab qolish qobiliyatiga egadir.

Barometr-aneroid havo bosimini o’lchash uchun xizmat qiladi.

Simobli termometr yordamida ishchi zonasidagi havo temperaturasini o’lchash uchun xizmat qiladi.