2-qism Toshkent 2020 O‘zbekiston respublikasi sog‘liqni saqlash vazirligi tibbiy ta’limni rivojlantirish markazi toshkent farmatsevtika instituti

Yangi tibbiy texnika qo‘mitasi
Yangi tibbiy texnika qo‘mitasi – respublikaga olib kirilayotgan va respublikada yaratilayotgan tibbiy texnikani qayd etishga ruxsatnomani tayyorlaydi, bu qo‘mita ishida tibbiy texnika jihozlari va mahsulotlarini sifatini nazorat qilish laborotoriyasi yordam beradi.
Yangi tibbiy texnika qo‘mitasining vazifalari:

• 
  yangi tibbiy texnika, tibbiy ashyolar hamda tashxis vositalari me’yoriy hujjatlarini ko‘rib chiqish, ularning texnik talablari va sinovlari loyihalarini belgilangan tartibda tasdiqlashga taqdim etish;
  

-ekspertlar xulosalari, laboratoriya tekshiruvlari va texnik sinovlar natijalari asosida tibbiy texnika, ashyolar va tashxis vositalari klinik sinovlariga ruxsat berish;
-tibbiy ashyolar hamda tashxis vositalarini qayd etish va tibbiyot amaliyotida qo‘llash masalasini hal etish bo‘yicha takliflar tayyorlash;
-tibbiy ashyolar hamda tashxis vositalarini ishlab chiqarish uchun tavsiyanomalar berish.
“Dori vositalari, tibbiy buyumlar va tibbiy texnika ekspertizasi va standartlashtirish davlat markazi” DUK  bo‘limlarining vazifalari


Metrologiya bo‘limi–sertifikatsiya bo‘limiga tushgan buyurtmalardagi priborlarni me’yoriy hujjatlarga mosligini sinovlar asosida tekshiradi.
Ro‘yxatdan o‘tkazish bo‘limi–chet el va mahalliy ishlab chiqaruvchilar tomonidan tavsiya etilayotgan dori vositalari va tibbiy texnikani respublikada sotishga ruxsat etish uchun qayd etadi.
Dori vositalari standartizatsiyasi va ekspertizasi davlat markazida matbaa bo‘limi – respublikada Farmatsevtika sohasi bo‘yicha ilmiy-amaliy yangiliklarni mazkur soha mutaxassislariga va aholiga yetkazish bilan shug‘ullanadi. Ushbu vazifalari O‘zbekiston Farmatsevtika xabarnomasi va har yili bir marta chiqariladigan O‘zbekiston Respublikasi dori vositalari va tibbiy buyumlarining davlat reestrini chiqarish bilan amalga oshiriladi.
Dori vositalari, tibbiy buyumlar va tibbiy texnika sifatini nazorat qilishni takomillashtirish to‘g‘risida:

• 
  O‘zbekiston Respublikasi Prezidentining 2017 yil 12 iyundagi
  PQ-3052-son “Sog‘liqni saqlash organlari faoliyatini yanada takomillashtirish chora-tadbirlari to‘g‘risida”gi qarori va Sog‘liqni saqlash vazirining 2017 yil 13 iyundagi 310-son buyrug‘i tasdiqlandi.
  
• 
  Dori vositalari va tibbiy texnika sifatini nazorat qilish bosh boshqarmasi (keyingi o‘rinlarda Bosh boshqarma deb yuritiladi)ning huquq va burchlarini huquqiy vorislik tartibida boshqa shaxsga o‘tkazmagan holda bekor qilish orqali tugatildi.
  
• 
  Dori vositalari, tibbiy buyumlar va tibbiy texnika ekspertizasi va standartizatsiyasi davlat markazi davlat unitar korxonasining (keyingi o‘rinlarda Davlat markazi deb yuritiladi) yangi tahrirdagi Ustavi tasdiqlandi.