2 Pulga talabning klassik va keynscha nazariyalari

MUNDARIJA:

KIRISH.......................................................................................................		3
ASOSIY QISM:		5
	1. Pul tushunchasi va uning funktsiyalari. 2 Pulga talabning klassik va keynscha nazariyalari. 3 Pul bozori. Pulga bo‘lgan talab va pul taklifi	5 5 9 12
XULOSA...........................................................................................................		28
FOYDALANILGAN ADABIYOTLAR RO’YXATI..................................		29

KIRISH

Pul insonlarga o’zlarining kundalik ehtiyojlarini qondirish va jamg’arish uchun kerak. Shu sababli pulga bo’lgan umumiy talab bitimlar uchun pulga talabdan va moliyaviy aktivlar uchun pulga talabdan iborat.

Bitimlar uchun pulga talab – bu aholiga va korxona, firmalarga tovar hamda xizmatlarni xarid qilish uchun zarur bo‘lgan pul miqdoridir. U nominal YAIMni o‘sishi bilan oshib boradi va pulning muomala vositasi vazifasini bajarishi bilan bog‘liq. Nominal YAIM qancha ko‘p bo‘lsa, oldi – sotdi jarayoniga xizmat qilish uchun shuncha ko‘p pul kerak bo‘ladi.
Moliyaviy aktivlar tomonidan pulga bo’lgan talab pulning jamg’arish vositasi sifatidagi funktsiyasiga asoslangan, ya’ni odamlar o’zlarining moliyaviy aktivlarni aktsiyalar, obligatsiyalar, bankdagi omonatlari ko’rinishida qo’llarida tutib turadi. Jamg’arish zaruriyati ham pulga bo’lgan talabni shakllantiradi.
Pulga bo’lgan umumiy talab foiz stavkasi miqdoriga yoki pulning ishlatilishi bahosiga nisbatan teskari bog’liqlikda bo’ladi. Foiz stavkasi qanchalik yuqori bo’lsa, pulga bo’lgan talab shuncha past bo’ladi va aksincha, foiz stavkasini pasayishi bilan pulga bo’lgan talab oshadi.
Milliy ishlab chiqarish o’rtasidagi barcha iqtisodiy munosabatlar pul yoki uning vositalari yordamida amalga oshiriladi, o’lchanadi, baholanadi.
Pul – maxsus xususiyatga ega bo‘lgan tovar hisoblanib, ayirboshlashning rivojlanishi natijasida paydo bo‘lgan. U tovarlar ayirboshlashda umumiy teng qiymatlili rolini bajaradi. Pul maxsus xususiyatga, yaʼni likvidlikli xususiyatiga ega bo‘lganligi uchun ham ideal vosita hisoblanadi.
Ayirboshlash kengayishi bilan kredit pullar deb ataluvchi veksellar, banknotlar, cheklar, sertifikatlar va hokazolar paydo bo‘la boshladi. Ular tovar ayirboshlashni, yaʼni oldi – sotdi jarayonini yengillashtirish, tezlashtirish va ixchamlashtirishga xizmat qiladi.
Keng maʼnoda pul deganda nimalar tushuniladi, pul massasiga nimalar kiritiladi? Bu savolga javob berish juda muhim, chunki iqtisodiyotni barqarorlashtirish, uni bir zaylda rivojlanishi ko‘p hollarda pul massasini samarali tartibga solishga bog‘liq.
Pulga talabni baholashda ikkita asosiy yondashuv mavjud. Ulardan birinchisi nominal YAIMni pul massasi miqdoriga bo‘lish orqali hisoblanadigan pul aylanish tezligining oxirgi o‘zgarishlarini ekstrapolyatsiyalashga asoslanadi.
Agar pul aylanish tezligi oxirgi bir necha yil davomida o‘zgarmagan bo‘lsa yoki qandaydir tendensiya bo‘yicha o‘zgargan bo‘lsa, shu asosda bashorat davri uchun pul aylanish tezligini baholash mumkin. Shu tarzda aniqlangan pul aylanish tezligining miqdoriga asoslanib inflyatsion kutish va foiz stavkalari bo‘yicha o‘zgartirishlar kiritish mumkin.
Pul aylanish tezligining bashoratidan foydalanib bashorat qilingan YAIMga mos keluvchi pulga bo‘lgan talabni ham bashorat qilish imkoniyati tug‘iladi. Bashoratlashning ushbu usulidan foydalanish, ayniqsa, dinamika qatorlarida maʼlumotlar yetarli bo‘lmagan yoki maʼlumotlar sifati past bo‘lgan, shuningdek moliya sektorida sezilarli darajada institutsional o‘zgarishlar sodir bo‘layotgan mamlakatlarda katta foyda beradi.
Pulga bo‘lgan talabni baholashning ikkinchi usuli ekonometrik usullarga asoslanadi. Iqtisodiy agentlarning moliyaviy qarorlari unchalik ko‘p bo‘lmagan ayrim iqtisodiy o‘zgaruvchilarning funksiyasi sifatida, pul agregatlari orasidagi bog‘liqliklar va ularni belgilovchi o‘zgaruvchilar vaqt davomida o‘zgarmaydi deb qaraladi.