2 O`zbekiston respublikasi oliy va o`rta maxsus ta’lim vazirligi qarshi davlat universiteti mehnat ta’limi kafedrasi

Jarohatlar. 
Teri va shilliq qavatlarining mexanik shikastlanishi natijasida jarohatlar paydo bo‘ladi. 
Ba’zi hollarda jarohatlar organizmning chuqur joylashgan to‘qimalarida va ichki organlarda 
ham kuzatiladi. Jarohat klinikasi undan qon silqib ochilib qolishi, qon oqishi va og‘riq bo‘lishi 
bilan tavsiflanadi. To‘qimalarni shikastlovchi asbob qanchalik keskir bo‘lsa, jarohatdan qon 
oqishi shunchalik kuchli bo‘ladi.
Hamma jarohatlanishlarda ham qon oqishi tashqariga bo‘lavermaydi, ba’zan qon 
tomirlardan to‘qimalarga va bo‘shliqlarga quyilib, tarqoq gematomalar hosil bo‘lishiga olib 
keladi. Shuningdek, parenximatoz (g‘ovak) organlarning jarohatlanishi ham ko‘plab qon 
oqishiga sababchi bo‘lishi mumkin. 
Jarohatlanishlardagi og‘riq, uning intensivligi: jarohatlangan nerv retseptorlari va 
o‘zaklarining soniga; shikastlangan kishi organizmining reaktivligiga; jarohatlovchi qurolning 
xususiyatiga va jarohat olish tezligiga bog‘liq. 

---