2-мавзу. “Яшил иқтисодиёт”га ўтишнинг зарурияти, тамойиллари ва дастаклари

Соғлом сайёра тамойили. “Яшил иқтисодиёт” йўқотилган био хилма-хилликни тиклашга ёрдам беради, табиий тизимларга инвестициялар йўналтиради ва йўқ бўлиб бораётганларини қайта тиклайди.
Иштирок этиш тамойили. “Яшил иқтисодиёт” шаффофлик, илмий тадқиқотлар ва барча манфаатдор томонлар иштирокига асосланганлиги боис инклюзив характерга эга.
Оқилона бошқариш ва шаффофлик тамойили. “Яшил иқтисодиёт” маълумотлари шаффофлиги боис унинг миқёсини ўлчаш мумкин.
Мослашувчанлик тамойили. “Яшил иқтисодиёт” ижтимоий ҳимоя ва атроф-муҳит муҳофазаси тизимининг ривожланишига кўмаклашади.
Самарадорлик ва етарлилик тамойили. “Яшил иқтисодиёт” “ифлослантирувчи тўлайди” тамойилини амалга оширади, ресурслардан ва сувдан самарали, оқилона фойдаланишга ҳаракат қилади.
Авлодлар бирдамлиги тамойили. “Яшил иқтисодиёт” амалда ва истиқболда инвестияларни амалга ошириш имконини беради. У авлодлар ўртасида адолатни таъминлашга, ресурсларни сақлаб қолишга ва узоқ муддатли даврда аҳоли турмуш сифатини оширишга хизмат қилади.
Бойликни тенг тақсимлаш. Бойликни мамлакат ичида ва мамлакатлар ўртасида адолатли тақсимлашга кўмаклашиш, бойлар ва камбағаллар ўртасидаги даромадлар жиҳатдан табақаланишгт қисқартириш, жаҳон ресурсларидан фойдаланишда иқтисодий ва ижтимоий адолатли таъминлашга эришиш, ёввойи табиат учун етарли жой қолдириш.
Иқтисодий адолатлилик. Умумий, табақалаштирилган маъсулият тамойилларига амал қилиш. Ривожланган ва ривожланаётган мамлакатлар ўртасидаги ривожланиш тафовутларини минималлаштириш, экологик барқарорликни қўллаб-қувватлаш, иқтисодий қолоқ мамлакатларга молиявий ва технологик жиҳатдан ёрдам бериш мақсадида иқтисодий ҳамкорликни кенгайтириш.
Авлодлар ўртасида тенглик. Экологик ресурслар ва экотизимлар жиддий назорат қилиниши ва муҳофаза этилиши зарур. Экологик активларнинг келгуси авлод учун қийматини ошириш ва шу тариқа уларнинг истиқболдаги эҳтиёжларини адолатли қондиришни таъминлаш.
Эҳтиёткорлик тамойили. Илмий ноаниқлик атроф-муҳит деградациялашувининг олдини олиш бўйича қарорлар қабул қилишга тўсқинлик қилиши мумкин эмас.