2-Mavzu: Matematika darslarini zamonaviy talablar asosida tashkil etish texnologiyasi Reja

5. Matematika darslarini tashkil etishga innovatsion yondashuv.
Ta'lim muassasalari tizimida matematika fanlarini o`qitish mazmunini kasbiy soha yo`nalishlarining mohiyatiga mos shaklda rivojlantirish, ya'ni KHKlarning kasbiy qiziqishidan kelib chiqqan holda qo`shimcha ma'lumotlar kiritilishi maqsadga muvofiqdir.
O`qitish jarayonini kasbiy yo`naltirish - berilayotgan bilimlarni KHKning kasbiy yo`nalishidan kelib chiqib darsni tashkil etishdir.
Matematika fanlarini o`qitishda matematikaiy bilim, tushuncha va tasavvurlarni egallash, ularni izohlash, ko`nikma va malakani shakllantirish orqali o`quvchilar intellektual qobiliyatlarini jadal o`stirishni, ularga kasb-hunarga yo`naltirilgan bilim berishni ta'minlash va kasb-hunar kolleji o`quvchilarining kasb-hunarga qiziqishini oshirish maqsad qilib olingan. Matematika fanlarini o`qitishning o`ziga xos xususiyatlari shundan iboratki, o`quvchilarning tanlagan kasbi bilan bog`liq bo`lgan matematik bilim, tushuncha, tassavvurni yanada rivojlantirish hamda o 'zining sohasiga doir matematik bilimlar bilan tanishtirish ularni hayotga va kasbiy faoliyatiga tatbiq etishni o`rgatishdir.
O`rta maxsus ta'lim tizimida fanlarni o`qitishda umumiy o`rta ta'lim tizimidan farqli o`laroq, mashg`ulotlarning ma’ruza va seminar (amaliy) shakllari bo`lib, ular quyidagi maqsad va vazifalarga yo`naltirilgan:
ma’ruza - o`qitishni tashkil etishning yetakchi shakli bo`lib, quyidagi vazifalarni amalga oshirishga imkon beradi:
yo`naltiruvchilik - o`quvchilarni o`quv materialining asosiy holatlariga, uni kelgusi ish faoliyatidagi o`rni va ahamiyatiga diqqat qilishlariga imkon beradi;
axborotlilik - o`qituvchi ma’ruza vaqtida holat, asosiy ilmiy dalillar va xulosalar mohiyatini ochib beradi;
metodologiklik - ma’ruza vaqtida o`qitish usullari taqqoslanadi, ilmiy izlanishning asoslari namoyon etiladi;
tarbiyalovchilik - ma’ruza o`quv materialiga hissiy-baholash munosabatida bo`lishni uyg`otish;