2-мавзу ИҚтисодиётда инновацион фаолиятнинг ўзига хос хусусиятлари

18. Инновацион жараённинг алоҳида босқичлари

Инновацион жараённинг алоҳида босқичлари, турли даврлар ўртасидаги вақт фарқини қисқартириш янгилик киритишни ишлаб чиқариш харажатларини сезиларли даражада камайтиради. Шу сабабли янги техника ва технология ишлаб чиқарувчининг инновацион сиёсати жаҳон ва мамлакат фан ва техникасининг ривожланиш тенденсияларини кузатиб бориш, янгилик киритиш лойиҳаларини амалга ошириш учун сарфланадиган вақтни қисқартириш бўйича чора-тадбирлар тизимини амалга оширишга йўналтирилган бўлиши лозим.

19. Иқтисодий ривожланиш босқичлари

Д.Кондратьев фарази бўйича иқтисодиётнинг ривожланиши – даврлар, цикллар ёки тўлқинлар кабидир, яъни тўлқинлар узун бўлиши мумкин, иқтисодий ривожланишнинг узок даври (30-50 йил), қисқаси (3-5 йил) бўлиши мумкин. Хар қандай тўлқиннинг бошланиши иқтисодий ўсиш билан бошланиб, тўхташи иқтисодий пасайиш билан тугайди.

20.Мамлакатнинг пухта ўйланган, илмий асосланган инновацион ривожланишининг стратегияси бўлиши зарур

Бошқа давлатлардагидек Ўзбекистон ҳам ўз инновацион ривожланишининг пухта ўйланган, илмий асосланган стратегиясига эга бўлиши зарур. Мамлакатимизни Инновацион ривожлантириш стратегияси дунё илм-фанининг замонавий ютуқлари, инновацион ишланмалар ва технологиялар асосида инсон капиталини, мамлакатни жадал ривожлантириш, инновацион фаолият соҳасида ягона давлат сиёсатини олиб бориш мақсадида ишлаб чиқилади ҳамда амалга оширилади.

21.Инновацион фаолиятдаги муаммолар

Инновацион ишланмаларни хаётга жорий қилишдан аввал бутун мамлакат бўйича сифатли интернет алоқасини таъминлаш унинг тезлиги ҳамон пастлигича қолмоқда, ёш авлоднинг ижодий ишланмаларини ҳаётга жорий этиш пухта механизмлари ишлаб чиқилиб, уни реал ҳаётга татбиқ этилмаса, шунингдек ёшлар хорижий тилларда чоп этилган адабиётлар билан таъминланмасдан, жаҳон илм-фани библиографиясидан фойдаланишга йўл очилмасдан, фақатгина миллий адабиётлар орқалигина таълим бериш давом этаверса, Инновацион фаолият тўғрисидаги қонун кутилган натижани бермаслиги мумкин.