2-ma’ruza Mavzu: Oliy o‘quv yurtlari strukturasi. O’quv jaray’ni turlari. Ta’lim jarayoni rejalari Reja

 

---

Ta'lim jarayoni rejalari
Oliy o’quv yurtlarida ta'lim berish jarayoni ikkita hujjat asosida amalga 
oshiriladi. Bular o’quv jarayoni grafigi va darslar jadvalidir. O’quv jarayoni grafigi 
ta'lim yo’nalishining ishchi o’quv rejasida o’quv mashg’ulotlari turlariga hafta 
hisobida ajratilgan vaqt bo’yicha tuziladi. Bu grafikda har bir kurs talabalari uchun 
o’quv jarayonining tarkibiy qismlari, ya'ni nazariy ta'lim, amaliyot, talaba bilimini 
baholash, bitiruv ishi, Davlat attestatsiyalari va ta'tilga ajratilgan vaqt va ularni 
bajarish muddati ko’rsatilgan bo’ladi. 
Masalan 5521400-"Kon elektromexanikasi" yo’nalishi bo’yicha ta'lim 
olayotgan talabalar o’quv grafigida o’quv jarayonining tarkibiy qismlari, ularga 
ajratilgan vaqt va bajarish muddati 2005-2006 o’quv yili uchun quyidagi 
ko’rinishga ega (2-jadval). 
O’quv jarayoni grafigi joriy o’quv yili uchun tuziladi va oliy o’quv yurti 
rahbariyati tomonidan tasdiqlanadi. Tasdiqlangan grafik oliy ta'lim dargohining 
talaba-yoshlar bilan shug’ullanuvchi barcha bo’limlari, professor-o’qituvchilar va 
talabalar uchun asosiy o’quv rejalaridan biri hisoblanadi va unga amal qilish 
hamda ko’rsatilgan o’quv mashg’ulotlarini muddatida bajarish hamma uchun shart. 
O’quv jarayonini tashkil etishning ikkinchi hujjati bu darslar jadvalidir. U 
ta'lim yo’nalishining ishchi o’quv rejasi va o’quv jarayoni grafigi asosida tuziladi. 
Darslar jadvalida ta'lim yo’nalishi ishchi o’quv rejasidagi fanlaming nomi, 
soni va har bir fanning o’quv mashg’ulotlariga (ya'ni ma’ruza, amaliy, tajriba va 
seminar mashg’ulotlari) ajratilgan auditoriya soatlari kun va hafta bo’yicha 
bo’lingan holatda beriladi. Shu bilan birga darslar jadvalida dars olib boradigan 
o’qituvchining ismi sharifi va dars o’tiladigan xona ko’rsatilishi shart. 

---

2-jadval. 
Darslar jadvali talaba-yoshlaming ta'lim olish jarayonini rejalashtirishdagi 
kunlik va haftalik o’quv rejasi hisoblanadi. Uni to’liq, o’z vaqtida va sifatli 
bajarish barcha talaba-yoshlar va dars olib boruvchi professor-o’qituvchilar uchun 
majburiydir. Shu bilan bir qatorda talabalar auditoriya soatlarida olgan bilimini 
yanada chuqurroq o’zlashtirish, kurs loyihasi va hisoblash ishlarini bajarish, 
texnikaviy va badiiy kitoblar o’qish, madaniy hordiq chiqarishni darslar jadvalidan 
tashqari vaqtga rejalashni ham unutmasligi kerak.