2-Maruza. Marshrutni ajratish tizimi turlari. Reja: Marshrutni marshrutli ajratish tizimlari

Ettinchi variant ЭЦ va МН uskunalarini maxsus moslashtirilgan katta transport metall konteynerida joylashtirilishini ko’zda tutadi. Tizim konteynerli (ЭЦ-K) tizim deb nom oldi. ЭЦ-K konteyneri devorlari, poli va shifti isitiladigan xonadan iborat. U elektr isitish tizimi va ochilganligidan xabardor qilish tizimi, shuningdek tabiiy ventilyatsiya bilan jihozlangan. Konteynerda elektr ta’minot qurilmalari, kross va rele stativlari joylashtiriladi. Boshqarish va nazorat qilish apparati stansiya binosidagi ДСП xonasida o’rnatiladi. Konteynerlar to’lig’icha ishlab chiqaruvchi zavodda montaj qilib, rostlanadi. Qurilish joyida konteyner tayyorlab qo’yilgan asosga o’rnatiladi. Unga yer usti qurilmalarining, tashqi elementlari ta’minot manbalari va boshqarish va nazorat qilish apparati kabellari ulanganidan so’ng markazlashtirishning ishlashi tekshiruvdan o’tkaziladi. Bitta konteynerda ko’pi bilan 6-8 strelka joylashadigan stansiya elektr markazlashtirish postining uskunalari joylashtirilishi mumkin.
Sakkizinchi variant konteynerlar o’zaro ulanishini nazarda tutib, bunda ular orasidagi yon devorlar olib tashlanadi. Har bir konteyner unda aniq, muayyan uskuna joylashtirilishi uchun mo’ljallangan bo’lib, modul deb ataladi. Modullarning bir necha xili ishlab chiqilgan:
МП – ta’minlovchi qurilmali;
МР – releli va blokli stativlar uskunalari;
МРК – rele va kross stativlari qurilmalari;
МАР – mashinalar o’tish joyi apparaturasi;
MA, МБ – ДСП xonasini joylashtirish uchun;
MO – uskunalar va inventarni saqlash uchun;
МС– aloqa apparaturasi uchun.
Modullar zavodda loyiha bo’yicha yig’ilib, boltlar bilan birlashtiriladi. Ularda stativlar o’rnatilib, ular qo’shni modullarning stativlari bilan shtepselli ulagichlari bo’lgan namunaviy shlang kabellari yordamida birlashtiriladi. ЭЦ uskunalari montaj qilinganidan so’ng ular zavod sharoitlarida rostlanadilar. Shundan so’ng modullar ajratilib, qurilish joyiga temir yo’l yoki avtomobil transporti yordamida tashib keltiriladi.