2-Maruza. Marshrutni ajratish tizimi turlari. Reja: Marshrutni marshrutli ajratish tizimlari

To’rtinchi variant uchinchisining asosida ishlab chiqilgan. Unda signalizatsiya yo’riqnomasiga nisbatan nomuvofiqlik bartaraf etilib, markazlashtirish va marshrutli yig’ish avtomatlari uchun qo’shimcha takomillashtirishlar kiritilib, zamonaviy yagona elementlar bazasi qo’llandi (РЭЛ tipidagi rele). Tizim УЭЦ – M nomini oldi. Unda signallarni boshqarish (ikki KC zanjiri) va bekor qilish (ikki Р zanjiri) sxemalariga doir ba’zi yangi ishlanmalar amalga oshirilib, ammo ular muvaffaqiyatsiz bo’lib chiqdi. Bundan tashqari, markazlashtirishlarni zavod sharoitlarida tayyorlashning barcha imkoniyatlaridan foydalanilmagan edi. SHu sababli MDH mamlakatlari temir yo’llarida bu markazlashtirish keng tarqalmadi va bugungi kunda u loyihalashtirilmaydi.
Beshinchi variant to’rtinchisining asosida ishlab chiqilgan. Undan yaxshi chiqmagan ishlanmalar chiqarib tashlanib, markazlashtirishni tayyorlash ishlarini imkon qadar zavod sharoitlariga ko’chirish imkonini bergan yangi konstruktiv yechimlar amalga oshirildi. SHu sababli tizim industrial montaj tizimiga ega bo’lgan elektr markazlashtirish (ЭЦ-И) deb nom oldi. ЭЦ-И tizimida relelari shtepselli usulda ulanadigan panel tipidagi bloklar ishlatiladi. Namunaviy stativlararo shtepselli shlangli ulagichlardan foydalangan holda krossli montaj qilish (yig’ish) tizimi ko’zda tutiladi.
Oltinchi variant 1.19, b-rasmdagi tuzilmaga muvofiq ishlab chiqilgan bo’lib, ЭЦga manevr marshrutlari kiritilishi talab etilgan kichik stansiyalar uchun mo’ljallangan. Bu tizim ko’p marotaba modernizatsiya qilingan bo’lib, uning so’nggi modifikatsiyasi ЭЦ - 12 – 00 deb nom oldi. Tizim yagona elementlar bazasidan foydalangan holda, ham markazlashtirish avtomatlari, shuningdek marshrutli terish avtomatlari uchun stativ montajli qilib bajarilgan. Elementlar bazasi sifatida РЭЛ, yoki НМШ tipidagi shtepselli ulanadigan relelar qo’llanishi mumkin.
Barcha sanab o’tilgan tizimlar ЭЦ va МН avtomatlari apparaturasini joylashtirish uchun maxsus xonalarni yoki maxsus binolar (ЭЦ postlari) qurishni taqozo qilardilar. Ishlab chiqarishni yana ham industrlashtirish, markazlashtirishlar tatbiq etilishi va qurilishini tezlashtirish maqsadida yettinchi va sakkizinchi variantlar ishlab chiqildi.