2 маъруза: доришунослик режа

Доривор терапиянинг мақсади ва вазифалари. 
Касалликни даволаш, касал организмга таъсир кўрсатишининг ҳаммада кўп 
қўлланиладиган усули дори моддалар билан даволаш - фармакотерапиядир. 
Дори моддалар бу организмга киритилганда шифобахш таҳсир кўрсатувчи 
моддалардир. Уларни қўллашдан асосий мақсадлар қуйидагилардир: 

Касаллик белгиларини йўқотиш - симптоматик даволаш; 

Касаллик сабабларини йўқотиш - этиотроп даволаш; 

Касаллик ривожланиши механизмига таъсир кўрсатиш - патогенетик даволаш 
дейилади. 
Дори моддадарининг таъсири уларнинг кимёвий тузилиши, физик хоссалари, 
миқдори ва организмнинг ўзига хос хусусиятларига боғлиқдир. 

---

I. Дори моддаларининг кимёвий тузилиши унинг тўқима рецепторлари билан ўзаро 
таъсирини белгилаб беради. Дориларнинг таъсири уларнинг сувда ёки ёғларда эришига, 
майдаланиш даражасига, учувчанлиги ва бошқаларга боғлиқ. Организмга юборилаётган 
дорининг шакли ҳам аҳамиятга эгадир, чунки дори шакли дори моддаларининг сўрилиш 
тезлигига, уларнинг организмнинг биологик суюқликларидаги концентрациясига, 
тўқималар ва органларда тарқалишига ва организмдаги ўзгаришига (биотрансформация) 
таъсир кўрсатади. Шунинг учун беморни даволашда препаратнинг беморни даволашда энг 
кўп даволовчи таъсир кўрсатувчи шакли қўлланилади. 
II. Дори моддаларнинг организмга таъсири уларнинг миқдори - дозасига боғлиқ. 
Доза - бу дорининг бир марта қўлланилганда шифобахш таъсир кўрсатувчи 
миқдоридир. 
Аниқ дозани белгилаш учун дори миқдори одам тана оғирлигининг 1 кг га 
нисбатан ҳисобланади (кўпроқ 3 ёшгача бўлган болаларда). 
Дорининг қабул қилинишига қараб қуйидаги дозалари фарқланади: 

Бир марталик доза; 

Суткалик доза; 

Курс (бутун даволаш давомидаги) доза.