|
9-MAVZU. DAVLAT BYUDJETI. SOLIQLAR
Davlat byudjeti ijtimoiy munosabatlaming bir qismini ifoda etib, davlatning ixtiyoriga mamlakatda yaratilgan yalpi ichki mahsulotning nisbatan kattagina qismini to‘plash va uni jamiyat taraqqiyotining turli sohalarini rivojlanishiga yo‘naltirish imkonini beradigan muhim taqsimlash vositasidir.
Mamlakatning asosiy moliyaviy rejasi ko‘rinishida qonuniy rasmiylashtirilgan, davlat pul fondlarini yaratish va ulardan foydalanish borasidagi iqtisodiy munosabatlar majmuiga davlat byudjeti deyiladi. Davlat byudjeti taqsimlash va nazorat funktsiyani bajaradi.
Davlat byudjetining daromadlari mamlakat yalpi ichki mahsulotini taqsimlash va qayta taqsimlash umumiy jarayonining elementlaridan biri bo‘lib, ular oraliq (tranzit) xarakterga ega. Ular yuridik va jismoniy shaxslarga tegishli bo‘lgan daromadlar va jamg’armalarning bir qismini byudjetga o‘tkazilishi natijasida vujudga keladi. Byudjet daromadlarining moddiy-buyumlashgan mazmunini davlatning ixtiyoriga borib tushgan pul mablag’lari tashkil etadi. Bu byudjet kategoriyasining namoyon b o‘lish shakli byudjetga tushuvchi turli soliqlar, to‘lovlar, yig’imlar, bojlar va ajratmalardan iborat.
Milliy iqtisodiyotga byudjetdan xarajat qilinishi davlatning xo‘jalik yurituvchi asosiy sub’ektlardan biri ekanligidan darak beradi.
Davlat byudjeti xarajatlarining tarkibi va uning tuzilmasi davlatning tabiatiga, u tomonidan bajarilayotgan funktsiyalarga, milliy x o‘jalikning ehtiyojlariga bog’liq hamda byudjet mexanizmi orqali ishlab chiqarish va iste’molning ba’zi bir omillariga davlatning ta’sirchanligim ta’minlash kabilar bilan belgilanadi.
Soliqni hisoblash 2015 yil 1 yanvaridagi amalda bo‘lgan eng kam ish haqi miqdori, ya’ni 118 400 so‘mdan kelib chiqqan holda amalga oshiriladi va yil davomida eng kam ish haqi miqdori o‘zgargan taqdirda ham qayta ko‘rib chiqilmaydi.
O‘zbekiston Respublikasi Soliq kodeksining 181-moddasida ko‘rsatilgan jismoniy shaxslarning alohida daromadlariga (shu jumladan, mol-mulkni ijaraga berishdan olingan daromadlariga) 8,5 foizlik stavka bo‘yicha soliq solinadi.
Qurilish industriyasini rivojlantirish bilan bog’liq yana bir qulaylik, ya’ni qurilish faoliyati bilan shug’ullanayotgan mikrofirma va kichik korxonalar uchun yagona soliq to‘lovi stavkasi 2015 yil 1 yanvardan boshlab 1 foizli punktga, ya’ni 2014 yildagi 6 foiz o‘rniga 5 foizga pasaytirildi.
yilda Yagona soliq to‘lovi stavkalari: ulgurji savdo tovar aylanmasiga - 5%, chakana savdo tovar aylanmasiga - 4%; 2%; 1%. 2015 yilning 1 yanvaridan boshlab yagona soliq to‘lovi stavkasi unifikatsiya qilinib (birxillashtirilib), 5 foiz miqdorida belgilandi.
yilning 1 yanvaridan boshlab alkogolsiz ichimliklar ishlab chiqaruvchi korxonalarga alkogolsiz ichimliklar ishlab chiqarishda foydalangan suv hajmlarining 1 kub. metri uchun 10 000 so‘m miqdorida hamda boshqa maqsadlar uchun 1 kub. metr yer usti suv manbalari uchun 61,9 so‘m va yer osti suv manbalari uchun 78,6 so‘m miqdorida suv resurslaridan foydalanganlik uchun soliq to‘lashlari belgilandi.
Jismoniy shaxslar mol-mulkining baholash organlari tomonidan belgilangan inventarizatsiya qiymati mavjud bo‘lmaganda, soliqni undirish 2015 yil 1 yanvardan boshlab mol-mulkni Toshkent shahri va viloyat markazlarida 20 328,0 ming so‘m miqdoridagi, boshqa shaharlar va qishloq joylarda esa 8 833,0 ming so‘m miqdoridagi shartli qiymatidan kelib chiqqan holda amalga oshiriladi.
O‘zbekiston Respublikasi Vazirlar Mahkamasining 2015 yil 13 fevraldagi 26-sonli qaroriga muvofiq Mikrofirmalar va kichik korxonalar 2015 yil 1 yanvardan boshlab yagona ijtimoiy to‘lovni belgilangan stavka bo‘yicha (ya’ni 15 foiz), biroq har bir xodimga eng kam oylik ish haqining 65 foizidan kam bo‘lmagan miqdorda hisoblaydilar. (Avval esa, ular eng kam oylik ish haqi miqdordan kam bo ‘Imagan holda hisoblar edi).
Jismoniy shaxslarning yer uchastkalariga soliq solishda yer uchastkalarining normativ maydonidan ortiq qismiga belgilangan soliq stavkalarga nisbatan 1,5 miqdorida ko‘paytiruvchi koeffitsient qo‘llanilishi belgilandi.
Er uchastkalarining normativ maydonlari quyidagicha: Toshkent, Nukus shaharlari va viloyat buysunuvidagi shaharlarda - 0,06 gektar (6 sotix). Boshqa aholi punktlarida (dehqon xo‘jabklari bundan mustasno) - 0,1 gektar (10 sotix)
Mikrofirma, kichik korxona va fermer xo‘jaliklari uchun yagona ijtimoiy to‘lovning amaldagi 25 % stavkasi 15 %ga pasaytirildi.
Masalalarni echishda yuqorida keltirilgan ma’lumotlardan foydalanish tavsiya etiladi.
Sartaroshlik xizmatlari, manikyur, pedikyur, kosmetolog va boshqa shunga o‘xshash xizmatlar uchun 2014 yil bir oyga to‘lanadigan soliq miqdori Toshkent shahrida eng kam ish haqining 4 baravari, Nukus shahri va viloyat bo‘ysunuvidagi shaharlarda 2 baravari, boshqa aholi punktlarida 1 baravari miqdorida o‘rnatilgan edi. 2015 yilda bu soliq miqdorlari eng kam ish haqining 0,5 baravariga qisqartirildi. Shu ma’lumotlarga asoslangan holda soliq miqdorlarini barcha hududlar uchun 2014 va 2015 yillar uchun hisoblang va solishtiring.
Quyidagi jadvalda keltirilgan ma’lumotlar asosida davlat byudjetiga soliqlar hisobiga har bir yil uchun kelib tushadigan daromadlar miqdorini aniqlang. Faraz qilaylik, Toshkent viloyatida joylashgan bitta turar joyning inventarizatsiya qiymati 50 mln. so‘m va viloyatda 10 mingta shunday turar joy mavjud. Toshkent shahrida umumiy maydoni 200 kv.m dan oshiq va 500 kv.m gacha bo‘lgan turar joy va kvartiralar 100 mingta, 500 kv.m dan oshiq bo‘lgan turar joy va kvartiralar esa 50 mingta. Soliq tushumlarini tahlilini amalga oshiring.
Do'stlaringiz bilan baham: |
