2. Makro va mikro iqtisodiyot sub’ektlari. O‘zbekiston Respublikasida tadbirkorlik faoliyati

Mavzu: Kichik biznes korxonalari faoliyatining xususiyatlari.

Reja:

1. Iqtisodiyot. Bozor sharoitida farmatsevtika iqtisodiyoti.

2. Makro va mikro iqtisodiyot sub’ektlari.

3. O‘zbekiston Respublikasida tadbirkorlik faoliyati.

4. Farmatsevtika iqtisodiyoti asoslari.

5. Kichik biznes korxonalari faoliyatining xususiyatlari.

O‘zbekiston Respublikasida bozor iqtisodiyotiga o‘tish, har bir tashkilot va korxona, shu jumladan dorixonalarda ham xo‘jalik faoliyati ishini yuritish texnologiyasi katta ahamiyatga ega. Aniq bir korxonaning faoliyat xususiyatlari va bozorning iqtisodiy qonuniyatlarini bilish yaxshi natijalarga erishishning zarur talabidir.

“Iqtisodiyot” (oikonomike)– grek tilida uy xo‘jaligini yuritish san’ati ma’nosini anglatadi) – bu ishlab chiqarish munosabatlarining yig‘indisi, jamiyatning iqtisodiy tizimi. Iqtisodiyot xalq xo‘jaligi sohalarining yig‘indisi bo‘lib, hayotiy zarur ezgulik va xizmatlarni ta’minlab beruvchi insonlarning asosiy faoliyat maydonidir. Sog‘liqni saqlash va dorixona xizmati mamlakatimiz iqtisodiyotining bir qismidir.