2-Laboratoriya Mavzu: qayta o’rash jarayoni va jixozlari iplarni qayta o‘rashdan maqsad

Tugunsiz ip ulash (Splicing)
Tugunsiz ip ulash jarayonining mohiyati ikkita ip uchlarini birbiriga ulashdir (2.18-rasm). Asosan, qayta o‘rash avtomatlarida
yigirilgan iplar uchlarini ulashda pnevmatik ip ulash usulidan
foydalaniladi.
Qayta o‘rash avtomatining robot qo‘llari havo yordamida
uzilgan ip uchlarini so‘rib olib, ip ulash zonasiga yetkazib
beradi. Havo bosimi yordamida ip buramlari teskari tomonga
aylantirilib, bo‘shatiladi. Ip uchlaridan ayrim tolalar ulashga
tayyorlash uchun chiqarib tashlanadi. So‘ngra havo bosimi
yordamida ip uchlariga yana buram berilib, iplar tugunsiz
ulanadi (2.19-rasm). Ipning tugunsiz bog‘langan joylarining
sifati ularning uzilish kuchi va ulashdagi uzilishlar nisbati bilan
tekshirilib, baholanadi.

2.9. Qayta o‘rash jarayonining texnologik omillari
Qayta o‘rash jarayonining texnologik omillari tolaning naviga
va iplarning chiziqli zichligiga bog‘liq. Texnologik omillar iplar
uzilishining minimal bo‘lishini va ishlab chiqariladigan mahsulot
sifatining yuqori bo‘lishini ta’minlashi kerak. Qayta o‘rash
jarayonining asosiy texnologik omillari quyidagilardan iborat:
1. Iplarning tarangligi.
2. Qayta o‘rash tezligi.
3. Nazorat-tozalash plastinalari oralig‘i.
4. O‘ramaning zichligi.
5. Ballonso‘ndirgich balandligi.
6. Taranglovchi moslamadagi yuk shaybasining og‘irligi.
7. Harorat va namlik rejimi.
8. Ip ulagich raqami.
Qayta o‘rash mashina va avtomatlarining haqiqiy ish unumdorligi quyidagi formula bilan aniqlanadi:

bu yerda: V–qayta o‘rash tezligi, m/min; T
ip–ipning chiziqli
zichligi, teks; m–urchuqlar soni; FVK–foydali vaqt koeffisiyenti.
Qayta o‘rash mashinalarining unumdorligi o‘rash tezligiga,
urchuqlar soni va ip sifatiga bog‘liq. Unumdorlikni oshirish uchun
ishlash jarayonida mashinalar yaxshi sozlangan, o‘rama sifati va
ishchi malakasi yuqori bo‘lishi kerak.