2 I. Bob. Yuqori sinf о‘quvchilariga gandbol darslarini о‘tkazish

Individual harakatlar
Individual (shaxsiy) harakat joy tanlash uchun tо‘p bilan va tо‘psiz hujumchiga qarshi kurashda mо‘ljallangan.
Joy tanlash – himoyada muvaffaqiyatli harakat qilishning muxim holatidir. Hujumning rivojlanishini diqqat bilan kuzatib, tо‘p egallagan hujumchiga yaqin bо‘lish niyatida himoyachi muntazam joy almashtiradi va ayni vaqtda vasiylik qilgan о‘yinchisini nazorat qilishda davom etadi. Buning uchun himoyachi maqsadga muvofiq usulda harakat qilishni tanlagani ma’qul.
Tо‘pni olib qо‘yish – qarshi hujum muvaffaqiyatining asosidir. Shuning uchun hiomyachi hamisha tо‘pni egallashga harakat qilishi kerak. Buning uchun u darvozani himoya qiluvchi о‘yinchilar orasida va shu bilan tо‘p uzatish imkoniyati bо‘lgan chiziq yaqinida joylashishi kerak. Ba’zi hollarda oldinga chiqishi va tо‘p uzatish yо‘nalishini tо‘la berkita olgani maqsadga muvofiqdir.
Tо‘p egallashga chiqmoqchi bо‘lgan о‘yinchining yо‘nalishini gavda bilan tо‘sib, unga halaqit qilishi mumin. Tо‘p egallagan о‘yinchi mо‘ljalga olish imkoniyatidan va tо‘p uzatishga qulay usuldan foydalanishidan mahrum etish, tо‘pni otish yoki yerga urib olib yura olmasligi uchun unga hujum qilish zarurdir. Tо‘p bilan bо‘lgan о‘yinchini yon chiziq tomon yoki uning kuchsiz qо‘li tarafiga siqib chiqarish maqsadiga muvofiq bо‘ladi. Tо‘p bilan tо‘xtatgan о‘yinchiga darxol uning kuchli qо‘li tomonidagi yelkasiga qо‘l qо‘yib, hujum qilish zarurdir. Bombardir о‘yinchlarni darvozaga yaqinlashtirmasdan, uzoqroq masofaga chiqib kutib olish ijobiy natija beradi ( tо‘qqiz metrlik chiziq oldida).
Tо‘p otuvchi о‘yinchiga qarshi himoyachi tо‘siq qо‘yishni ishlatishi shart. Shu bilan birga, qо‘shimcha tо‘siq qо‘yishni tashkil etish uchun, unga yaqin turgan sherigi yordamga kelishi kerak.
Himoyachi darvoza bilan tо‘p otayotgan о‘yinchining zarba beruvchi qо‘li orasiga joylashib, u tо‘p otayotgan tomondagi darvozani burchagini tо‘sadi. Bu darvozaning yaqin va uzoq burchaklari bо‘lishi mumkin. Tо‘p, tо‘siq qо‘yuuvchining qо‘li va darvoza markazi hayolan chiziqlar bilan biriktirilib, utmas burchak hosil qilinadi. Burchakning yо‘nalishi, darvozaning qaysi tarafini himoya qilishi kerakligini kо‘rsatadi.
Ayniqsa, chalg‘itishlardan foydalaniladigan о‘yinchiga qarshi ehtiyotkorlik bilan harakat qilish kerak. Muayyan sharoitda hujumchiga qaysi harakat qulay bо‘lishini oldindan belgilab olishi va aldamchi harakatga ahamiyat bermasdan, diqqat – e’tiborini asosiy xavf keladigan joyga qaratish kerak. Faqat hujumchining tо‘p otmoqchi bо‘lgan qо‘li tarafga siljish maqsadga muvofiqdir.
Agar himoyachi aldamchi harakat qilib hujumchini shoshilinch chora kо‘rishga majbur etsa, u holda hujumning yakuni himoyachilar foydasiga hal bо‘ladi. Himoyachining vazifasi – hujumchilarni kam foyda keltiraligan harakat qilishga majbur etishdir.